九月二日(續)
放學時居然收到堂哥的電話
爸上他家時對他說我想到英國讀書
(可這個念頭自日文拿了A後已經打消了)
他打來問我怎樣
(他一年都不打給我一次的，所以我沒理同學們，又對不起同學)
我說升不到degree時才會過去
怎料......
他對我說了一番話，給了我一個新角度看待升學事件
他說升到city degree也到英國讀吧
在港讀degree兩年學費也八萬多
到英國讀一年便拿到degree
早一年工作有一年exp.人工一年後又會加
打工第一年如月薪八千五也有十萬多
很快賺回來
即到英國可以有一年working exp.加一年人工
長遠計一定有so
而且在city畢業的商科生多不勝數
是很common的大學生
你又不是最top的那幾個
前途不太好
可是到英國讀就不同
很多老闆除了oxford、cambridge，英國其他大學都不懂
interview時可以騙他們
還有他們會覺得你的英文會好點
懂得獨立、適應新生活、視野唔同d擴闊d
如果city畢業有五十間公司in你
係英國畢就有一百間
我問老闆唔會覺得去外國讀書d人係讀唔到書咩
如果老闆咁諗，呢份工都唔會好得去邊
好公司係樂觀視野好闊好open
唔講搵工
你同人講你係英國畢業都好過你話係city畢業
(不得不提，我堂哥以前是debate主席)
仲有留學一年睇野都唔同左啦
可能自己會有d新改變呢
又可以試下留學生活，代價一d都唔貴做年幾野咋
可以識好多唔同的朋友
你想同中國人玩，佢地一定歡迎你
想同靚仔鬼佬玩又得
鬼佬好鍾意中國女仔，佢地覺得中國女仔好身材(唔好諗歪，意思係瘦)
你咁嬌小玲瓏(想嘔)去到話唔定大受歡迎(嘔完再嘔...呢d說話係堂哥講架咩...)
女仔去到一定唔會悶
我男仔咁嘅樣係美國都識到好多朋友啦...
有個女仔friend同鬼佬岩岩結左婚添
d房又大又靚
我有個係英國讀master的朋友用webcam影俾我睇...仲大過我間屋
平日放學去downtown玩或者join society
六、日就outdoor games或者有好多functions搞
(你會唔會太樂觀呢...假設遇唔到志同道合的人)
好啦！假設你去到個邊真係好悶好寂寞
都係一年！返到黎又多采多姿返
玩左咁耐咪當抖下囉(原來佢咁諗我...)
悶無野做就睇書，話唔定讀書突飛猛進呢
始終要講英文，oral方面一定好左
(其實我份人無乜大志...好似浪費爸媽金錢咁...)
我都無乜大志
我只係知道我讀好d書我就有權choose我的career
最起碼唔駛做d自己唔鍾意的career
好似你唔鍾意做sales...但係呢個market最多係sales vacancies
如果你自己有d quali就可以choose第二d
或者唔係你鍾意嘅
但起碼唔係你唔鍾意嘅
(又假設適應唔到，英文又唔得呢...)
我覺得船到橋頭自己直，見步行步
未試過無人知
就算係，都一定克服到
就算克服唔到，時間都會克服佢
咁多年經歷咁多野有d當時好似好大件事
諗返到最尾咪無野
人生係咁，有好多大浪，但一超越左又無事
你不如諗定讀邊間好過啦
你想有古堡feel嘅、好大嘅、近city嘅?
講真！鼓勵香港人去大陸讀書簡直不知所謂
人地清華、北京大學個d個個都去外國留學
發展係中國好...讀書就梗係外國好
我有個同事會考完就去左au
成績普通，去到就科科A
就咁入左全au最top的大學
諗起個時咁辛苦讀Alevel...
真係唔抵
講真choice就係你手中
呢個可能係你改變生活改變未來的last chance
俾我諗都唔諗一定去
(...你完全利誘我去...不過再諗下先啦。好多野未必以常人角度睇，係city畢唔代表無future)
今日同堂哥的一番話係我廿年來同佢係電話chat得最耐的一次...@_@!
文章定位：
