今天終於有空去剪掉要用數目字形容的頭髮
(不要裝忙啦...小wing wing...懶就懶啦)
=.=
今次剪髮剪得挺開心唷
(因為因為那是一個帥哥??)
當然！我是出名喜歡帥哥的...你不知道嗎??
我剪髮多數會到兩間相熟的鋪頭
一間在家附近，一間在朋友家附近
興起就到樓下的，有空經過深思熟慮就到朋友家的
有時也會跟朋友到陌生的鋪剪
趁年輕想多試試別的，希望找到最好嘛(年輕人都是貪心，以為輸得起)
不甘心就在一個停留
可是今天我選定了，就是他！
老啦，想停下來，厭倦在無數的選擇中選擇
很累又浪費時間！剪髮而已。
其實我在選擇去不去那髮型屋時是很猶疑的
因為裡面全都是帥哥，當然也有一、兩名美女襯托著
帥哥剪髮一定不會剪得好，因為帥的人多是得個樣
還有他們一定是串爆
不過在美孚走完十多間髮型屋後還是回到這間去
為什麼??
因為價錢平不貴(沒錢呀T.T...我很實際的)
又平又有帥哥欣賞加上我弟在那裡剪得不錯...所以...呵呵呵呵
既然要付錢，何不來過雙重享受??
他不溫柔又不粗魯
力度、手藝剛好
(我很怕人很柔很慢幫我剪髮，疙瘩！亦怕人很粗暴，很不尊重，我有付錢架嘛)
剪髮是一種享受！身心的享受！(小wingwing進入瘋癲狀態)
佢又不會不停講話，實在太好
最touching係佢話做人唔可以咁怕羞架喎(袋錢入你袋呀)
仲有佢一睇就知我d頭髮係彈起、頭大、頭髮多又厚(唔係盲的人都知啦...)
我話俾佢聽我係唔吹頭、唔gel頭、返工又要紥辮的麻煩人
好好笑
佢用兩隻夾夾起我兩邊頭髮問我平時紥辮係咪咁
之後又問我自己可唔可以吹成咁先
得先幫我剪斜陰(死口都話得啦)
剪完又叫我揸下d頭髮夠唔夠薄
我買口乖話:「我信你啦，你一定就住剪幫我剪到最岩岩好個個位嘅，如果我話唔夠薄，你一定話太碎唔好睇，係唔係呀?」
哈哈!!!!!!!!!!!!!!
之後佢幫我吹頭，我問佢係咪咁吹d頭髮就好直
(係呀！你想學呀?)下?我望住學緊啦...
(拿！教你啦，當個頭係波，圓形咁吹住就得架啦。係呢邊試俾你睇啦...呢邊唔夠清楚，係第二邊試，唔好風對住頭喎，向外先得。)好細心呀
(今晚你唔好洗頭啦)點解呀?
(咁你d頭髮聽日咪好直好似而家咁囉)得一日，有乜用呀?唔稀罕
心諗:有個髮型師男友咪可以日日有靚頭囉(小wingwing唔好發花癲啦)
(你係度笑咩呀?成日陰陰嘴係度笑嘅?)望住你咪笑囉...
你剪咁耐會唔會阻住你做野架?
(即係話我剪得慢呀...你趕住返屋企食飯呀?剪左30mins咋喎)
唔係...真係驚阻住你做生意咋(咁好死...又係啦)
(拿！係咁嘅.....)Zzzzz....(你唔明呀?用中文講啦)Zzzz...(好心解釋你聽又唔聽...)得啦！你解釋與否都係咁剪架啦...試但啦，無所謂(你咁樣唔得架，你有俾錢點可以咁求其?你睇下我幫你剪左好多頭髮架！我好認真無呃你錢架)...哦
哈哈!!!kawaiidesuyo
唉！佢實在有十萬個好，我決定次次去搵佢幫我剪頭髮啦！！
(哇！不知不覺寫左咁多添，因為佢真係好正，哈哈)流口水中...
文章定位：
