尋日我地去慶祝謝智生日~
嘩, 型仔左~
我地個個都咁講~
出席者: 我, 邦, Jackson, 烏遠, 馬頭, 超B
打邊爐呢就得我, 邦, 超B, Jackson o者~
間野都算唔錯, 要五碟牛肉, 真係俾足五碟份量...唔會好似其他咁...俾兩碟算
服務態度又唔錯喎
但係就要成八十幾蚊位落樓....無計...星期日
每個人生日...都起碼用左過百蚊去慶祝...omg...
then就去左馬會...開始大計...
到達烏遠屋企...
我地喜歡互串...
我自誇打機最勁...10:0, 9:1, 7:2 咁大勝對手嘛...
不過我呢個version未玩過...實力打返七成折扣
烏遠細佬就號稱最強
烏遠就出名單刀入樽...哈根~~~ (高幾度音講)
我地八個踢cup~
第一場就由Jackson大戰謝智 開盤, Jackson讓兩球
烏遠買左下盤
最後Jackson大勝謝智3:0, 我就嬴左烏遠五蚊雞
第二場...最強對最強...
我對烏遠細佬... 莊家出場, 無開盤
一開波烏遠細佬就壓住我o黎踢...成六四之比...
Jackson就o係我面前示威~~~串我~~~
但我唔會令佢失望...終於入波喇~~~朗拿度~~~1:0~~~~~
完上半場前...李華度中眉...灰...
下半場一開波...烏遠細佬即刻追平...此時Jackson高呼大串
到中段...烏遠細佬射波俾我洛基祖利亞解圍省落查斯古特度入網...
俾人反超前2:1......就咁落敗左...嗚嗚嗚
Jackson呢d負碌四強份子係咁串我~.~
第三場由烏遠對超B...超B踢少一個人情況下...力戰九十分鐘...補時輸0:1...=.=
我開唔到讓兩球既上盤...就咁俾Jackson...........
第四場...由邦對馬頭...邦以2:0取勝...無開盤
四強...烏遠細路對Jackson~~~
烏遠細佬嬴佢2:0... 我輸俾烏遠細佬 2:1
咁我即係勁過Jackson啦~ XDDDDDD
烏遠同邦亦都力戰到加時...烏遠輸0:1...
決賽...烏遠細佬對邦...又係踢到加時...但邦今次輸1:2出局了...
烏遠細佬成為第一屆冠軍
第二屆隨即進行...
但得返六個參賽
烏遠細佬同邦抽到好簽...直入四強先
我同Jackson終於抽到一齊~
正正式式決戰!!!!!
上半場早段...好似係五五波...最後0:0完上半場...
不過...我要話俾佢知我同佢既實力差距...
李華度梅開二度, 卡富埋齋~~~ 3:0 輕取~~~
第二場由烏遠對謝智
大部份時間踢多兩個人下...烏遠失威...只能險勝壽星仔一球...
四強喇~~~
又係我對烏遠細佬~~
呢場...我要証明我係皇者~~~
o係俾我一輪狂攻下...攻下左佢兩球...最後佢點反撲都無用
憑住李華度再次梅開二度, 以2:0輕取...
另一方面...烏遠亦都再遇邦...
今次烏遠復仇成功~ 以1:0取勝...
殺入決賽對我~~~
畢竟我玩熟左呢隻game...我要再次show一show我同佢地實力既差距~
以4:0大勝烏遠奪標~~~
yeah~~~
咁就拎左冠軍
之後我地玩啤牌...射龍門...
玩左一陣...就睇波
丹麥對瑞典...
我地就好嘈...邦大叫干查
我大叫加維臣, jackson大叫普波斯基...
烏遠大叫客主, 2:2
謝智就叫開大~
最灰既戰果...0:0完上半場...搞到我地媽聲四起...用45mins睇場開波
半場休息...我地又玩射龍門~~~
烏遠好鬼型...
當見到5 Q...佢就話, 買哂佢, "我係咪好型呢?"
之後即刻中柱...笑到我地爆肚...要賠雙...
跟住...佢又o黎多鑊, 好豪氣咁講"買哂佢"
大家都估到結果會點....
又中柱....賠雙...真係笑到我地喊
呢d小賭宜情
算吧啦
我地睇返下半場先~
開波四分鐘, 真高拿頂入一球, 捷克 1:0領先~
我地即刻Yes, Yes, Yes~
因為好多人買左 大, 同捷克嬴, 仲有d波膽
到63mins~ 巴路士入波, 我叫得仲勁, 因為係我81倍的神射手~~~
又o係度Yes, Yes, Yes~~~
兩分鐘後, 巴路士再入一球~~~領先啦, 神射手領先喇~~~
再Yes, Yes, Yes~~~
3:0既比數, 謝智生日嬴錢喇~
但我Jackson同邦決戰緊~
我買左 3:1, 3:2
邦買左 3:0, 3:2
Jackson買左 3:1
但我地都同樣叫...就係...捷克唔好入波呀!!!
最後...丹麥失機下...輸0:3...
我同Jackson含恨而終...
頂.......
就係咁...謝智既生日派對就咁完左~
文章定位：
