12月9日 星期日
尋晚訓得好好~~~~
訓醒打左陣機,上左陣網,
跟手就搵埋雲出左荃灣,兩條友仔四圍行左陣~~~~
佢去搵老婆,我就繼續一人行~~~~
行到六點幾,阿媽打黎叫我返屋企陪佢食飯......
我出街就係唔想見到佢之麻......
結果都係返左家陪佢食~~好彩無事發生~~~~
飯後上左陣網,跟住睇左Mr & Mrs Smith~~~~
好誇張ge一套戲,一般la,不過三色台播唔洗錢又ok ge~~~~
之後睇埋本漫畫就訓左~~~~
12月10日 星期一
是日放假~~~~
約左阿女睇戲~~~~十二點幾出到油麻地,先同阿女返左公司唱YEN~~~~
見到佢地好忙,好想幫手~~~~哈~~~~
之後就過左榮發食午餐,食左個焗咖哩牛腩飯,幾好,果然係有heart ge 茶餐廳~~~~
食完就過左電影中心睇戲,竟然撞到翁小姐一家~~~~
睇"東京鐵塔--我的父親母親",唔......
一般la,又唔係話唔好睇,不過成套戲都係一條直線,無高低潮lor~~~~
感人麻......我完全feel 唔到........
睇完阿女就搭車返工,我就去左打機~~~~
打到六點幾就出九龍塘搵娘親~~~~係又一城m仔食晚餐~~~~
又見到娘親,真係開心~~~~
食完陪娘親買左d糧食,送埋娘親上車就返歸了~~~~
仲想上kankan家拎翼~~~~
美好ge一天~~~~
ps1:之前話我想買多部黑色ge NDSL,阿女話俾佢個部我,今日忽發奇想,不如我用二手價錢同妳買左佢,妳又多d錢去日本,我又可以獲我喜愛ge黑色NDSL + R4,阿女,諗諗佢~~~~
ps2:原來我隻slayer唔係咁弱,都贏到下wor~~~~
ps3:kankan返左黎都唔係見過好多次,之前明明好期待佢返黎ga ma~~~~
ps4:喂,幾時出黎同kankan洗洗佢d 已經唔知去左邊ge塵??
ps5:昌,billy,懷志,你地邊個都好,睇到就約下人,搵埋雅雯出黎食餐飯~~~~
ps6:阿gill,傑傑,nana,琪姐,肥步,西恩,你地都係ar,好耐無見la,好d約下出黎la~~~~
ps7:viva 一班都好耐無出黎la,等候首領吹雞~~~~
12月11日 星期二
是日都係放假~~~~
四連假ge最後一日,選擇左係家休養~~~~
訓醒就落左麗城買左個雞飯做午餐,之後就返家食~~~~
食飽就係咁打機,打到食晚飯~~~~
哈,好頹廢~~~~
今日應該會係平淡ge一日~~~~
ps1:
http://jp.youtube.com/watch?v=JCS0YTcfjqI&feature=related
ps2:
http://jp.youtube.com/watch?v=XvF-UlI2Duo&feature=related
ps3:
http://jp.youtube.com/watch?v=7-wtScqZ9AE&feature=related
ps4:超正ge三段片~~~~如果玩過洛克人ge話就一定會覺得仲正~~~~無玩過就咁睇歌詞同埋聽歌都係一流~~~~稍作解釋,洛克人呢隻game係橫向動作game,要過好多機關同打好多卒仔,跟住就會去到boss房間打boss,打贏左就可以獲得boss ge武器~~~~第一段片係講有個boss--空氣人,好難對付,但係如果有樹木人ge葉子刀就會易打,但係樹木人又好難打......第二段片係講洛克人有兩個幫手,係一隻可以變身ge狗同埋回復道道具運送機械人~~~~不過隻狗好難先拎到,又要計住能源黎用.....回復道具運送機械人所俾玩家ge道貝係random,所以通常都會係拎到d唔等洗ge 野.......第三段純粹係玩家心聲~~~~
ps5:道具二號即係隻狗~~~隻狗有三種變身,跳台,飛行板同潛水機~~~~E罐係HP儲備工具,係唔夠HP,就死個陣可以回復HP~~~~要打到樹木人,如果有火炎人ge武器會易好多,但係火炎人又係好難打,因此要打到火炎人,有冰人ge武器先得,但係要打贏冰人,先要有空氣人ge武器...........
ps6:另,打不到的空氣人一曲,係日本出左一隻CD,真係得一隻歌,賣700 YEN,到而家大概賣左三十五萬隻...........
題目係game,因為打算講下game~~~~所以無興趣ge人可以唔洗睇落去~~~~
做咩無la la講game 呢?因為本座打算今個月買wii ma~~~~
其實買wii,係咪真係明智呢?我可以講,唔係~~~~
的確,三部(wii,xbox360 同 ps3)新一家用機之中,wii而家個勢最好,但係唔代表d咩~~~~從銷售量已經睇得出,wii呢兩個月黎ge銷售量不斷跌,相反,之前死左大半ge ps3開始升返上黎~~~~長遠睇,wii無可能完全打敗ps3,ps3亦都無可能完全打敗wii,一來兩部機ge市場有分別,二來兩者都係game界龍頭,無可能完全失敗,sony 用ps2稱霸家用機市場,都唔可以完全滅殺任天堂ge GC,將來ge情況都係一樣~~~~
但係可以預見,ps3 ge反擊已經開始,先有三國無雙5,再有12月13日ge GT5序章,08年1月ge DMC4,加入應該出年暑假左右面世ge Bio5同MGS4,ps3可以講係大作連連~~~~wii 呢?無,最多都係得任天堂自己ge 任天堂明星大亂鬥~~~~
而家買wii,我都擔心將來會無好多game玩,不過我就唔擔心會無game玩~~~~因為wii出左一年,打左咁耐仗,都係任天堂自己出返game俾自己部主機,第三廠商(即係任天堂自己以外ge其他game 廠)基本上連一隻二線頭ge game都出唔到,但係仍然打左半壁江山返黎,因為任天堂本身就已經係一間坐擁多隻大作ge 廠商,要數有mario,銀河戰士,poketmon,薩爾達......基本上我買左wii都唔愁無game玩,係可能有d 想玩ge game無得玩~~~~
講左咁耐,都無講過xbox360,因為佢係特別d~~~~歐美市場佢已經唔會輸俾ps3,什至xbox年代都已經係同ps2分庭抗禮,不過始終打唔入日本,或者應該係亞洲市場~~~~但係可以肯定,xbox360唔會輸,因為佢有秘技,佢有微軟支持,即係有無限金錢,有無限金錢又點會輸呢?所以都唔多講佢~~~~
而家買wii,我都覺得唔值,起碼佢好快會減價,長遠我將來好有可能會玩唔到d想玩ge game,但係我都會照買,反正我一向都係買d自己鐘意ge主機~~~~我買NDS個陣佢咪又係俾PSP打到一仆一碌,但當佢成功反擊,PSP一沉不起個陣,我就買左PSP~~~~買野,最緊要買自己鐘意,諗甘多將來都係無用~~~~
講左好多,不過其實仲有好多想講,有機會先~~~~
另,cash,如果你無睇到,我建議你睇返,對你買ps3定xbox360 ge選擇有幫助~~~~不過我都係建議你唔好咁大洗~~~~XD
下次想同大家講下正版同老翻ge問題~~~~
