6月22日 (星期日)
呢幾日，煩緊0的係人都要煩既事。不過主角唔係我喎，咪就係毛毛囉。但係佢煩就會煩到我囉，每一次佢既煩惱都會好影響我架。但今次唔係同佢分擔煩惱囉，係俾埋壓力我一齊煩囉。事情就係咁既，佢做緊個度，因為生意上既政策，要閉關2個月。咁佢就想係呢2個月搵番野做，可以幫下自己個荷包進帳。唉，咁就煩啦，佢自己搵又要燒埋落我度喎。
一早聽到佢把聲就問我幾時去搵工，搵工?雖然我係過2個月就失業啫，都唔駛咁快就去搵定呀。我係無搵，但係我一直都有留意而家香港既市場架。搵我係會搵，但唔係而家搵，又真係無預算到囉。講真，以前無野做既時候，我都唔係咁積極啦，到目前環境，可能係因為做了一年野，所以先真係有d d 少少心機有動力去搵咋。但係佢咁講真係有0的壓力麻，佢重要0的語氣勁勁認真嚴肅囉。係佢身上只會出現2個表情，一係就勁開心勁好笑容同你玩，一係就勁認真整佢都唔識笑既樣子。見到佢呢0的樣子，真係有點兒想死，佢既語氣態度就如老師同學生「訓話」呀!我幾時做左佢學生???又講左好多「費符之言」同埋將來既野啦。但個一刻真係聽唔入腦囉，每一次佢0有的行為既時候，我就會同一個動作，就係想「收線」。但係佢已經太了解我啦，根本我每行一步佢都好清楚啦。
係!!我知道，真係想同一個人長久，唔單指係開心、唔單指係甜言蜜語，重有好多野要一齊面對，我都明你講咁多野係想為我好，但係我都知而家個香港唔係真係咁易搵到一份工。
女人係想係屋企做職業婦女，但係唔代表佢地唔想去搵工囉。係真係搵到先得架?唔係個個都想係屋企做你地既「阿四」俾你地發洩俾你地呼呼喝喝架。所以我真係想你地尊重一下我地0的女性啦。係你地想話你既女人之前，諗下你地有冇女人既感受。唔係個個女人走左都識番轉頭，當一件發生幾次既事，唔係習慣呀。而係要真正從身考慮一下你個男人啦。
以上一番感慨，並唔係發生係我身上，係發生2個不同朋友身上，咁當然唔係想像咁嚴重啦，我自己都唔會俾件事發生係我身上囉。一番既感受，我相信好多女性既朋友們都講得好岩聽架。
文章定位：
