十月三十一日
琴日俾pat放完飛機又俾我表妺放飛機,結果搞到差唔多七點先瞓(其實已經係原本既差唔多八點,因為我去問rays攞web cam時佢同我講由今日起所有時間慢一個鐘…真係搞笑,佢話夏天時會快番一個鐘,我真係唔明咁做有咩分別)但點都好啦,都係有著數,即係話我所有既mid term都遲一個鐘先開始(唉…但我之前已經嘥咗無限個一個鐘,啲書又未溫,睇來今個星期都唔洗止意有覺好瞓,我啲計劃又要慢一個星期先開始得啦,但每一天都可以瞓遲一個鐘先起身=) (其實都幾自欺欺人…因為我係咪都係只係可以瞓好少…)唉,我好懷疑我哋嗰hsbc參加會唔會成功(唔好誤會,我從來都無諗過要win,我諗我哋可能會無疾而終,攪到我都唔想再玩落去,因為唔想白白浪費自既時間…)
點知阿爸今朝十點就打來….真係無聊,我問佢做咩,佢話無咩,鐘意打咪打囉,電話費平(服咗佢…成日都一早打來嘈住晒,人哋到咗七點幾先瞓)我同佢話以後要打電話來全部都要慢一個鐘,佢聽到頭都大埋(算啦,同佢解釋都係嘥氣,一來佢唔明,二來佢從來都係即興打來,都唔諗吓打來時我係係度做咩,有時無啦啦半夜三四點打來,都唔知佢倆個做咩…)
今日好準時咁早啲出門,一來係想趁啲雪溶咗影啲相(如果唔係遲啲又係全部都係白景)之係去international centre買吓有無今晚halloween既飛,竟然有…幫rays買埋,之後去咗biz building等人.
中午咗個人做volunteer,我明明同自己講咗要去三樓等,但唔知點解自己又好似鬼上身去咗二樓,結果嗰個人走咗,之後搞咗成個鐘先見返嗰個人…原本諗住put up 啲poster好簡單,但我錯啦,呢間死人大學,仲大過太古城,我諗同鰂魚涌差唔多大啦,行到我死死吓…都未貼完,聽日又要去貼,(我諗住同佢話貼埋手頭上既poster唔貼啦,因為我啲書都未溫完,而且今日行到右腳腳趾都腫起晒,又酸(唉…真係自己攞來衰…)
之後貼到六點出返hall沖涼趕去個party.去到都係無無聊聊,個international center啲嘢真係唔係人食既…之係係度影相,點鬼知影影吓無電…其實都無咩特別,有啲男既著女裝,有啲人就咁著睡衣,邊度既人都有(我覺得我係去影相多過玩囉,因為一無電我已經無晒mood,之係諗住返去,又返返來,之係都係唔得啦,所以自尸走咗先…
返到來隻嘢又係度瞓…但唔得,我一定要溫書啦,因為聽日又要做volunteer又要開會…
文章定位：
