鏡盒 就是喜歡靜靜的聽著......

47愛的鼓勵 0訂閱站台

1月31日   晴

 

每逢大時大節

又係一大班同學聚舊既時候啦

以前讀書日日都見

依加出黎做野

各有各忙

間中都會約一倆個FD出黎行街食飯

一大班就少D

除非有人搞生日搞聚會啦

如果唔係都幾難搵十幾人出黎呀

 

新年係最岩聚會既時間

因為去左讀書既都返哂黎

呢幾日:小學,中學,大學都有聚會

感覺不錯

中學同大學既聚會比較多

小學一年都有兩次既…..

不過要有十人以上就少之有少

 

今晚一班澳分既出黎食糖水

逗SOFIA封利是

見佢派利是個樣都幸福過人既

 

跟住同D小學同學去左富豪唱K

仲要係坐返梁小婷生日間房

同埋見到果日SERVICE我地個哥哥仔

見到佢就諗起COCO要食牛河既事

 

今晚出席既同學有兩個係畢業以後第一次參加聚會

一男(孫靖)一女(吳如意)

我覺得個男生係全班個樣變得最多既一個

好成熟,好似已經係社會打滾多年既人

佢既出現,完全係緣份

話說係佢同王子康(班長)係條街撞到先有返聯絡

 

我諗佢係相當鍾意同我地一齊

一出黎就suggest我地應該每個月搞一次聚會

點知個個都ban佢:多就唔矜貴啦

佢實在太多年無同我地一齊啦

 

女生同以前一樣,依加係幼稚園教師

佢既樣貌,行為都相當適合

佢同曾盛基一見面就好似返左小學咁

男:我依加高過你啦 (小學仲係米五幾,依加就米八)

女: (即時企上張梳化)我以前高過你加(畢業就有米六,依加米七左右)

佢倆個咁就講左成晚啦

吳如意臨走仲要講:佢地(男生)依加個個都高過我啦

救命呀!!!

 

梁健文(畢業坐我隔離)今次都有黎

佢個look 話佢做設計之類仲可以接受

個頭(右至左)4分1剷青;4分3係戀既

佢竟然係個小學英文教師

以前覺得教師係相當神聖

依加就…….

 

臨走既時候個個唔係講下次見,bye-bye之類既野

依加係講結婚記住請埋我!!!

 

由於佢地存左支酒係度

2月又有人生日

我地好快有聚會啦

識左佢地廿年啦

幼稚園到依加

時間真係過得快

新一年希望佢地開開心心