３／１／２０２６＠＊～Ｅｔｈａｎ’Ｓ　Ｌｉｆｅ～＊

2026-01-04 09:57:26| 人氣60| 回應0 | 上一篇 | 下一篇

新一年開始負責打響頭炮o既人，就係本身上個月尾生日o既Raymond呀～！！

本身計劃左上月中同佢北上食飯慶祝，但係撞著佢屋企突然間有事而要改期啦~！！

由上年變成今年o既生日飯，其實近年每次朋友生日都係以簡單化為主。。。

務求大家都全開開心心咁聚一下啦，而且人大左之後都唔似以前咁多花款啦~？！

今晚揀左去尖沙咀同佢食上海菜啦，反正都係得我地兩個就可以從簡少少啦~！！

當然主角揀左想食咩咪食咩囉，而是次見面都係講返今年活動計劃同埋工作野~？！

畢竟我地今年有機會再一齊去旅行啦，至於北上瑁樂計劃都係會繼續進行嚕。。。

今次主要都係先夾定左月中時間要一齊北上，情況同上次一樣想齊人咁上去呀～？！

而日本旅行方面暫定於五月左右做，當然我地首選都係日本但未到過o既地區喇～！！

至於完左晚飯之後，我地就去左搭返轉夜遊開蓬巴士遊一個圈當體驗下啦。。。

及後折返尖沙咀後就去食埋個老麥甜品先，咁樣輕輕鬆鬆咁就完成左呢一晚聚會喇~！！

我要檢舉

台長：Ｅｔｈａｎ～

人氣(60) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 200愛的鼓勵 0訂閱站台