７／１２／２０２５＠＊～Ｅｔｈａｎ’Ｓ　Ｌｉｆｅ～＊

2025-12-07 19:07:59| 人氣208| 回應0 | 上一篇 | 下一篇

今個月到到左屈姐生日，而我地亦都就住有關事前已於早前夾好左日子啦。。。

不過琴日主角突然話自己唔記得左件事，搞到我地即刻商討聚會係咪繼續～？！

今日點知主角原來有ｄ唔舒服，最終佢又留返o係屋企出席到是次活動喇～！！

由於地點列日話轉左去屈妹屋企，所以我地各人今日就差唔多時間都前後到場～！！

及後就好似以往咁一齊決定下食咩啦，當然除左午餐之外就仲有切蛋糕儀式啦～！！

雖然主角本人今日好多野都唔食得呀，但係我地都有買到蛋糕做返個形式嚕～！！

圍埋一齊就梗係小朋友一齊玩樂，而我地一班大人就講下生活事同埋工作啦。。。

大家都為左自己份工而感到無奈啦，當然子瑜同Angela兩個份工就比較多問題囉～！！

一齊圍埋都係聽大家呻下又齊笑下啦，咁樣見面o既氣氛先可以真係開開心心嘛～！！

至於月底聖誕節方面，大家又傾緊係咪可以抽個時間一齊圍埋慶祝一下喎。。。

而家都只係一個初步去夾期同埋方向，至終最後係咪真係可以成事就有待下一步~！？

我要檢舉

台長：Ｅｔｈａｎ～

人氣(208) | 回應(0)| 推薦 (1)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 200愛的鼓勵 0訂閱站台