２６—２７／７／２０２５＠＊～Ｅｔｈａｎ’Ｓ　Ｌｉｆｅ～＊

2025-07-28 19:30:31| 人氣379| 回應0 | 上一篇 | 下一篇

繼月頭去左珠海到玩左兩日一夜慶生之後，今明兩日就上去深圳到玩一下啦～！！

其實都唔算係點樣去玩啦，事因結怡有一個免費酒店住宿所以我地就去住下嚕～！！

我地就傾好今日約左5:00PM去到蓮塘會合先，及後就過關前往目的地喇。。。

由於天氣真係非常之熱o既關係，我事前都已經同佢講好左要call車出入地方呀～！！

畢竟大陸ｄ車費又唔係貴喎，所以佢早前已經買左ｄ可用折扣優惠於今次行程用～！！

我地是次計劃都係比較自由啦，主要都係想輕鬆下食下同埋以hea為重點啦。。。

所以我地第一站就係先返去酒店放低ｄ野，之後就準備去食今晚物一餐牛肉火鍋～！！

食完之後我地就決定去附近一間按摩店做返個按摩，及後就折返酒店叫糖水做宵夜呀～！！

至於第二日行程就係先去買左個烤鴨同少部份野食，事因呢d就係我地今日第一餐嘛～！！

畢竟我地今日都係訓到自然醒先起身出去，之後食埋野就已經要準備退房去另一個地方~！！

由於我地都好想再做多次按摩o既關係，於闕我地午餐之後就出發去按摩店啦。。。

完成左按摩之後就要去黃貝領o個邊預備食晚飯，而呢轉晚餐都真係好早就要食喇~！！

事因我地打算6:00pm左右就起程去返關口過關返香港，事因我地都唔想太迫同太趕嘛～！！

於是我地就決定5:00pm左右就食野，而呢餐就係去食一個唔錯o既粥底火鍋啦。。。

由於佢之前已經試過呢間店同埋知道點樣處理，所以我地好快就已經諗好晒想食咩喇~？！

完埋呢一轉晚飯之後就真係要起程返香港，幸好我地一路上都算係好順利就返到屋企嚕~！！

暫時我地都仲計劃緊下個月係咪會再次北上玩，事因佢仲有一次免費酒店o既住宿呀～？！

不過我地都仲傾緊日子同埋會唔會叫埋另一ｄ朋友一齊去，所以現階段都只係商討中啦~！？

其實我地最主要都係睇返檔期時間同埋天氣先，畢竟太熱o既情況下都係不宜外出嚕～！！

雖則大際好多野都係可以叫外賣送到上門，不過就缺失左出去外遊行下同打卡o既意義～！！

我要檢舉

台長：Ｅｔｈａｎ～

人氣(379) | 回應(0)| 推薦 (1)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 200愛的鼓勵 0訂閱站台