４／８／２０２３＠＊～Ｅｔｈａｎ’Ｓ　Ｌｉｆｅ～＊

2023-08-05 09:33:52| 人氣367| 回應0 | 上一篇 | 下一篇

今晚收工之後約左一個好耐冇見o既好朋友，但係我地見面又唔會有陌生感覺呀～？！

呢個好朋友近年真係都已經變得唔常見面，不過我地都會關心一下對心近況嚕～！！

收工之後出左去尖沙咀同『愛人』見面，其實本身係有一個早少少既o期係呀。。。

不過因為佢早前病左唔舒服先改到今晚咋，而會合左佢之後就先左搵餐廳晚飯啦~！！

是次佢就已經諗好左想揀去食西餐喎，不過我地見面都唔係志在食咩而係有地方坐下～！！

今次見面當然都有唔少野傾下啦，當中包括左唔少關於工作、家庭同埋生活等事宜~！！

而且社會旅行復興返庚後亦都少不免計劃去旅行，而佢都會同佢家人下月去日本玩下~！！

事因佢家人都已經落實左明年都會全部移民去英國，所以佢都有問下我ｄ朋友去左外國如何～？！

至於佢小朋友都開始好大個啦，而且佢今次都話想我稍後時間去見下佢屋企人認識下嚕～！！

畢竟佢結婚同埋生仔之後係完全冇見過佢地，所以呢個計劃都會於稍後再安排去完成～！！

講到生活就梗係傾下買樓問題啦，而佢就於疫情期間放左層樓兼且搬左去第二度喇~！！

因為佢就覺得人生都唔應該不停咁只係為左層樓而搞到冇晒生活，始終樓價都真係好貴~！！

我地都就住呢個問題一齊傾下想法啦，究竟香港人有幾多個可以真係好輕鬆咁供層樓~？！

至於工作方面大家都係不停咁忙住做野，始終呢個機構成日都係不停咁請唔到人嘛～！！

畢竟市場上o黎講醫院人工真係唔係唔高囉,加上而家連ｄ向上流o既機會都唔多嘛～？！

所以只會更加令到佢個架構不停咁缺人做野，而我地都好概嘆生活真係越o黎越無奈～！！

以前識落o既朋友好多都因為有過經歷而有共鳴，但而家新識o既朋友已經唔似以前呀～！！

就算而家點樣再去識ｄ新朋友都好，都唔會再有o個一種可以一齊好開心o既感覺呀～！！

我要檢舉

台長：Ｅｔｈａｎ～

人氣(367) | 回應(0)| 推薦 (1)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 199愛的鼓勵 0訂閱站台