2021-07-11 09:51:12| 人氣268| 回應0 | 上一篇 | 下一篇

10/7/2021

推薦 0 收藏 0 轉貼0 訂閱站台


今晚約左結怡出去旺角晚飯,事因佢話已經計劃左同我慶祝生日呀~!!
所以我地就約左5:00PM出到去,至於行程方面今次全部由佢負責安排~!!

我地第一站先係去左一個多啦A夢收藏店,因為佢諗住我應該係鍾意啦~?!
及後就去左附近商場行多一陣就正式去晚飯,同時今次安排係分左做兩場~!!

第一轉就係去左一間食日本野o既餐廳,呢到環境雖少但係都叫做唔曾啦~?!
加上我地又因應住有第二場關係,所以我地都唔會打算放盡去食太多野呀~!!

我地今日主打都係講下生活同家庭問題,當然娛樂性話題都有一齊去傾下啦~!!
本身我就因為身體出左問題所以就要小心處理,不過佢向來都覺得我好硬正啦~?!
事因佢總係覺得我o係人前永遠都好識修飾,唔會令到個氣氛同感覺唔好嘛~!!

至於完左第一場日式晚飯之後,我地就轉戰去一間甜品店到食生日蛋糕啦~!!
其實呢個安排都幾特別啦,而且呢間甜品店亦係我早前o係網上見過唔錯o既~!!
今年已經食到第五個生日蛋糕喇,而呢次都都係一個比較特別o既一次啦~!!

至於呢部份佢就開始同我傾下心事啦,而且佢仲將自己屋企問題專登同我傾呀~?!
就住各方面唔同問題都一一同佢拆解下,再者一如我以往作風咁俾下方向當事人~?!
因為時間唔夠所以都只可以好快咁講重點,同時都希望俾d時間佢自己消化下先~!!

台長: Ethan~
人氣(268) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)
TOP
詳全文