＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今年正日生日繼續由阿仔負責，不過今日就差ｄ出現重大變數呀～！！
事因佢公司出現左問題需要去處理，所以我地都幾乎要變陣嚕～！！

原定上半場計劃因為時間問題而取消，至於阿仔就由中段趕返o黎～！！
所以今日行程就由下午先開始，畢竟佢呢排都成日要周畔走而奔波勞累～！！
慶幸o既係佢仲可以出席今日慶生環節，至少比原先最差打算叫好左啦～！！

我地3:00pm左右就會合，然後就出去尖沙咀到開始第一個行程啦～！！
由於計劃左o既野要臨時改動，所以我地都係去左洲際到食左少少野先～！！
事因佢由早上北上做野到返o黎都未食過野，所以簡單食下野坐一陣先啦～！！

加上外面天氣又非常之熱，入去ｄ有冷氣地方到傾下計先都係好事啦～！！
至於今次傾到下關於家族上結構問題，而且人事問題亦係近年比較煩o既事宜～！？
談及到關於生日或結婚呢ｄ大位，其實有心去出席一下明顯都係攞分位～！！
畢竟每個圈又好，又或者每個單位都好都會有佢地o既玩法同埋期望呀～！！

至於下半場時間就加埋新抱仔到場，而佢就去準備左生日蛋糕俾我啦～！！
我地三個人走埋都有講下生活或者工作，重點又有講及下佢地婚禮事宜啦～！！

而呢一場玩法都係好特別呀，事因阿仔訂左水晶巴士餐廳去同我慶祝啦～！！
雖然我對呢樣野都有一定認識嚕，不過佢有呢個計劃同諗法都確實係好特別～！！
而且數年前電車派對就已經玩過喇，所以佢就話今年安排下玩巴士喎～！！