連續多個月擺o係月頭o既『愛人』，今個月亦都唔例外繼續係第一個見～！！
不過今次同以往有唔同o既野，就係唯一一次我冇咩特別野鬧佢o既一次嚕～！！
以往每次開波都總有一大堆野要鬧，但今次只係有野提一提佢唔好再錯～！！
而呢樣野就連阿仔都同佢有同個一問題，就係佢地都好興唔回message呀～！！
但由於我近兩日先同佢firm時間，所以我就必須要知道佢係收到資料至得嘛～！！
呢個問題帶出左之後，就先將時間交返俾佢講講佢上一個月o既各項事宜啦～！！
佢上一個月o既活動都絕對唔少，所以趁今次就聽聽佢o既經歷同埋感受嚕～！！
一如以往o既佢都係玩輕描淡寫，但唯一一個活動就反而令佢講多左野喎～？！
先講返今日o既行程安排上面，由於今日o既行程係要出外去睇日落o既關係．．．
所以我就將地點揀左去尖沙咀啦，而且出得呢到就梗係會連埋其他野一齊做～！！
不過係去程期間又突然俾佢見到個廣告，所以佢又無啦啦話不如去睇戲喎～？！
雖然我唔介意同佢去做任何野，而且『爛滾夫鬥爛滾妻』呢套戲又好爆笑～！！
無奈我地今日行程冇足夠時間去睇，最終呢個都只係一個話題而冇辦法完成～！！
由於近日尖東有個巴士歷史展覽，所以我就特登揀左今日先同『愛人』出去～！！
而且今日當佢知道要出去尖沙咀o既時候，起初佢都o係到好似好多不滿咁o架～？！
事因佢尋晚去完Ling姐個生日派對，通完頂之後先返去屋企訓左陣就要見我～！！
其實早於尋日佢已經報左俾我知佢要去玩，但我都聲明左叫佢唔好咁夜返嚕～？！
點知佢就真係唔係夜返而係通頂，所以呢件事又俾左個機會我插佢幾野嚕～！！
但係我汲取左上個月o既經驗之後，我就覺得我需要改變對住佢o既策略喇～！！
今日大約2:00pm左右去粉嶺會合佢，但佢明顯就係剛剛訓醒冇耐o個隻啦～？！
之後就梗係揀左搭270A出去，不過車程前及車程上o既佢就明顯有ｄ古怪嚕～？！
而佢今次呢種只係用表情o黎表達o既方法，我又完全捉摸唔到佢到底想點喎～？！
加上佢又不停咁話有太陽真係好，兼且佢仲突然同我提出話不如去行山喎～？！
佢今日性情古怪唔係單一樣野見到，近年如果佢有不滿就一定會同我作對嘛～！！
起初因應佢唔覆message個問題話佢o個陣，佢竟然用笑住唔答去代替駁咀喎～！！
不過當架車去到獅隧o個陣，佢就話佢今晚凌晨send msg俾我而我唔覆佢就死～！！
就住覆message呢個問題拗左一輪，我就同佢講日後如有要事就直接打俾佢算～？！
我話如果我下一秒要跳樓自殺o既話，你可以已經o黎唔切兼可以幫我收屍喇～！？
而佢就回我話．．．佢應該會叫我唔好跳住，等埋佢o黎到先再一齊跳喎～！！
而且佢今日又係咁同我講叫我追Ling姐，至於呢個問題就梗係令我覺得奇怪啦～？！
我同Ling姐只係兩年前見過一次面，但佢今日就竟然話我同Ling姐都幾襯喎～？！
再者佢仲覺得我係一個好男仔，所以我應該可以俾到幸福同會對女仔好o既人喎～！！
但o係『愛人』講到叫我去追Ling姐呢部份，我地又突然提起換手機o既事啦～？！
由於我上月一度叫佢贊助我換機，不過最終就俾佢以贊助左就冇得見而推翻～！！
今次我就繼續試下叫佢贊助我換，但是次條件就係佢要我將Ling姐追到手囉～！！
為左手機而影響大家o既幸福呢ｄ事，我就梗係有同佢提出兼且自己都做唔出～！？
及後當我地談及到感情事o既時間，佢就話佢會令我對佢覺得又愛又恨至得呀～？！
而且佢又話如果只係單方向得愛o既話，一旦要分開o既時候就會好痛喎～！！
至於今日會面當中仲有一樣同前幾次唔同，就係佢粗口比例又突然上升返喎～？！
呢樣野o係兩年前已經俾我改變過一排，但佢今日就聲稱只係因為燥底先會咁～？！
另一方面．．．
今日o係我睇緊展覽期間，世俊同埋表哥都先後就住唔同o既問題而搵過我啦～？！
世俊原本就想叫我陪佢去買西裝出席飲宴，至於表哥佢地就同樣出現o係現場～？！
而『愛人』除左o係開波時間交代左上個月o既事，同時佢又話月尾將會去旅行～！！
其實呢件事佢o係上個月都已經同我提過，至於今次韓國行就係佢同Marcus去啦～！！
正正因為一連串活動o既問題，佢今次又再一次未能夠俾到下一個月個期我住～？！
原本佢想將個期擺o係平日夜晚時間，但無奈o黎緊就係〝On Call 2〞o既時間～！！
所以我就叫佢返去好好度返o岩個期俾我，否則我就會採取進一步行動o架喇～！！
同時佢今轉亦都因為要換7-11堆公仔一事，而希望我出手幫佢搵印花或者公仔～！！
其實早前已經話左佢叫佢有需要就早出聲，事因我應該可以幫到佢達成願望～！！
而係我地行緊去會場之時，佢就話叫我唔好掛住諗野而唔睇車就行過馬路～！！
因為佢唔想我早死過佢，再者我死左o既話日後就冇人俾佢關心同陪佢食飯喎～！！
到睇展覽呢部份時間，當佢去到現場o既時候因以為要排隊入去而無啦啦爆粗～？！
咁我就梗係又話左佢兩句兼叫佢注意下，而佢就話因為佢唔想要我排隊咁辛苦～！！
及後o係我地入到去會場o既時候，佢就竟然話好欣賞我今次o既活動安排喎～！！
正因為我知道佢對巴士o既了解並唔多，所以佢好快就同我講叫我聲音導航喎～！！
既然睇得巴士展覽又介紹左唔少資料俾佢，唔少得o既當然就係睇埋巴士模型～！！
而o係我地睇完左個展覽之後，佢就話因為肚餓而想去食返個下午茶先喎～！！
另外o係今日行程當中，佢都有同我談及到關於近日一ｄ同巴士有關o既事～！！
當中包括118換左批新車o既性能，以及對於近日北區路線重組後o既感受啦～！！
趁住呢個時間當然係追下數先啦，但係佢都係照舊將所有議案全數推翻囉～？！
而今次唯一一個佢肯應承o既要求，就係佢已經落實左會陪我去睇Joey演唱會～！！
至於聖誕節期間加多一個期o既要求方面，佢就話佢會返去好好咁考慮一下～！！
我唔知佢係因為今日唔夠訓，定係因為佢真係已經唔係好記得上集講左ｄ乜～？！
佢對於好多o係上次提過o既野都唔太記得，所以我都唔刻意喚醒佢呢部份記憶～！！
事因呢部份o既協議係同佢肯唔肯兌現承諾有關，幸好我就梗係記得晒全部啦～！！
雖則佢係仲有唔少問題又再出現，但係佢把口就真係可以令到我幾開心囉～？！
事因佢o既說話技巧真係有一手，話說佢要問我拎7-11印花呢部份又出口術～？！
起初我只係應承會俾堆印花佢，但佢及後竟然叫我換好埋公仔兼拎去俾佢喎～？！
咁樣我就梗係問佢知唔知佢係乜水呀，但佢就竟然回我一句話佢係我Honey喎～！！
而o係食下午茶呢部份時間完左之後，我地就係時候要行返過去海傍睇日落啦～！！
畢竟今個月o既主打節目就係呢樣野，而且我同佢都不約而同咁睇得好投入呀～！！
夕陽無限好呢樣野令我地好有共嗚，再者佢仲話要影返張太陽落山o既相留念～！！
正o係我地行緊去搵返個靚位睇日落o既途中，佢就不斷咁望住個海面唔出聲～！？
所以我就問佢係咪想跳海兼話如果佢想跳海自殺o既話，我係唔會救佢o架嚕～！！
及後佢就話佢並唔係想跳海，而係佢諗住將我成個抱起之後掉落海殺左我喎～？！
我之後又問佢係咪打算攬住一齊死，點知佢就話佢只係想將我掉落海就算～！！
另一方面．．．
當我地講完跳海問題之後，佢又突然見到個吸煙區而突然對呢樣野有反應喎～？！
所以我就隨即有反應問佢係咪食返煙，點知佢o既反應就比我預期中要大囉～！！
同一時段裡面亦有就拍拖一事傾過，事因今日亦都有就住其他問題探討過嘛～？！
我知道佢都幾關心Ling姐，同時又關心我因為唔太敢放開自己去試而錯過姻緣～？！
但係佢又好明白我性格係穩陣型，所以佢就建議我試下放開自己去經歷下先嚕～！？
至於上一個月我都發生左唔少事情而又同佢講到，所以佢都有俾返意見我啦～！！
就住Phoebe借錢一事、秘書被雪藏一事及Tracy及Ken單離婚案一事都傾過～！！
而佢就梗係俾左唔少分析我，而我亦都唔會否認自己某程度上都幾受佢影響～！？
而o係睇完左日落之後，我地就開始行返過去尖東o個邊準備食今晚晚餐啦～！！
其實今日全部份行程都係由我負責，所以我都有叫佢計劃下日後o既野啦～？！
但佢就竟然同我講佢所有旅行或約會，都係由其他人諗好晒俾佢負責出席囉～！！
今年只係得返兩場左右時間，所以埋尾時間就梗係講下未來協調o既問題啦～！！
因應我會繼續向佢追討返以前欠落o既野，佢就梗係話我好麻煩且唔會亂應我～！？
事因佢已經知道應承左我又或者俾左希望我，佢之後就好易會好多手尾喎～！！
同時因為協調o既問題上面，佢就話佢需於今晚11:00pm前返到屋企睇波囉～？！
起初我打算同佢玩野hold到過晒鐘都唔放人，但佢就提出我不仁、佢就不義～！？
由於我真係捉唔到佢下一步會做ｄ咩出o黎，咁我就只好向佢妥協唔玩野啦～！！
不過我都趁機表明我現有立場，我現階段唔發火並唔代表我唔識得發火呀～！！
我已經一次又一次讓左步兼收左唔少火，並且希望佢對我唔好再玩雙重標準～！！
事關佢好多以前o既承諾仲未於今年內兌現，如果我要玩野佢都肯定好唔得閒～！！
再者我地都提出底線o既問題，同時佢又話大家到底想係互相尊重定互相抗衡～？！
就住呢一切問題只好玩返agreement呢樣野，所以我都係覺得冇必要搞到不快～！！
而佢都心知如果做太多不必要o既抗衡，下場就只會係搞到一拍兩散o既結局～！！
至於晚飯時間就提到禮物一事，佢話佢會好好珍惜我送俾佢o既所有野喎～！！
雖然我經過幾次之後都知道扭係未必有用，但我一定要諗辦法令佢軟化囉～！！
畢竟呢部份時間都有談及到性格問題，而我地都有就住大家o既生活去傾～！！
自三年前我地相遇之後，其實我地都各自為左對方去改變左唔少野o架喇～！！
因應拍拖、搵對象及識朋友等問題，我地都知道往往係同性格好有關係啦～！！
所以我再次認真同佢講下佢有咩要返去反思下，而我亦肯定佢係知道我心意～！！
而當我問及佢知唔知自己有咩賣點之時，佢就話佢並唔係賣外在及內在美喎～？！
咁我就梗係隨即反問佢到底佢有咩賣點，而佢竟然答我係賣中間o個層喎～？！
我真係唔明中間o個層係咩，而佢就話呢層野叫脂肪；而且仲要係黐實我喎～？！
話晒我地都已經識左三年多o既時間，基本上就認知o既野都已經上晒軌道喇～！！
所以我今年先就住有關問題而改變對佢o既方針，希望佢會明白我想點囉～！！
至於o係講到識朋友之時，佢就話有我就夠兼且話You are the sun shine of my life～！！
藉住賣點及掛牌身份等問題同佢講到，所以我就再一次叫佢努力做好自己啦～！！
畢竟『愛人』呢個位係特別位，所以要求同各方面準則都會同其他位唔同嚕～！！
而佢就回我一句佢會try my best啦，幸好我聽到呢句就表示佢應該肯去努力先啦～！！
雖則佢咁樣叫做應承左我會努力，不過我又趁機暗示開位呢樣野應該係審慎～！！
就算日後再開任何位都好，都應該要個應考者做到一定程度o既表現先開始考慮～？！
至於個衰仔就梗係口口笑咁回應我話，你宜家後悔都或者可以o黎得切架喎～？！
另外今日o既佢真係唔知點解好好唱嚕，但係我叫佢去唱Ｋ又唔見積極出席喎～？！
至於下個月原定就應該到海鮮餐議案上場，所以就住相關事宜今轉亦都有傾到～！！
由於早前佢提到話食海解需要多ｄ人至好，所以我就提出叫埋幾位掛牌一齊去～！！
但係佢就竟然即時反對相關議案，而且仲話就算係食都可以只係我地兩人去嚕～！！
而今次o係最後呢部份時間，我就同佢談及到佢同Marcus之間o既關係啦～！！
由於外界都覺得佢兩個似基佬，所以我都笑言話我唔會歧視朋友係同性戀囉～！！
不過佢除左否認自己係同性戀之外，佢仲突然拖住我隻手行去搭270A喎～！？
呢一刻真係嚇到我呆左兼極力反抗啦，話晒我都要顧下自己個形象o架嘛～？！
就住呢個極好笑o既話題同佢玩左一輪，而佢就死問我幾時再俾佢拖手出街～？！
佢仲話既然我係唔歧視朋友係基佬，咁樣我就唔好怕俾佢拖住我出街咁話喎～！！
而我就梗係解說下我唔喜歡做第三者，所以我唔會介入佢地之地o既世界囉～！！
再者就住形象方面亦有講到，佢話佢可以不顧形象且覺得冇問題咁拖住我嚕～！！
至於下一次個期方面，佢今晚就因下個月比較忙為理由未能俾到期我啦～？！
就住呢個問題向佢提出玩法照舊，如果一星期內未能交期就會用自己配期法～！！
起初我有叫佢交部手機俾我睇期，但佢宜家已經開始唔肯合作地交出o黎囉～！！
所以我最後就叫左佢最好就自動自覺交期，否則我就會夾硬o黎呢招o架喇～！！
續集
耿耿於上次太絕情 殘留全是冷漠佈景
糾結故事極難忘 難忘愛你但我沒承認
都只因上次太忘形 誰人才重要未看清
應有對白被遺忘 遺忘半句道歉沒說清
若是幸運地展開續集 讓我學會把握
日夜背誦陌生的獨白 讓態度也掌握
只要可跟你再遇見 傷過的會珍惜每刻
＊從頭開始 多多一次靠你我來重演
多多一集上集就如排練 就讓劇情緩緩改變
從頭飾演 飾演一個更信愛情人選
相戀之道上集未能完善 耗盡熱情重來一遍
仍然是我 或會倔強一點
但未會想 像上回被討厭
只想這一次愉快 能成為最主線
（只想這一次和你 能同行到終點）
當呼吸是照舊無常 前行仍舊遍地雪霜
當四季尚在場時 能懷抱你是最大理想
現實是混亂間分別後 沒有力氣再走
現實是日夜只懂念舊 沒有辦法放手
只妄想跟你去避世 風再急可捉緊你手
Ｒｅｐｅａｔ（＊）
忘記危殆畫面 第二次學脫險
趁機可清理太多缺失太多的虧欠
忘記暴雨畫面 第二次望向天 總可雨過晴天
何時開始 多多一次看你我如何演
多多一部續集用來如願 命運或能完全改變
然而現況 是各自各一邊
但願有天 會真的跟你結識暗戀熱戀多一遍
期盼來到這天 遺憾橋段可變
時間場地改變 唯獨人物不變
文章定位：
