2013-01-13 09:49:23| 人氣14| 回應0 | 上一篇 | 下一篇

13/1/2013

推薦 0 收藏 0 轉貼0 訂閱站台

 
尋日先同Phoebe及Jacky見完面,但係我地今日就繼續約埋出去玩返日喎~!!
事因尋日Phoebe位朋友話想約佢地去睇紅葉,所以佢地就叫我加入齊齊去嚕~!!

所以今早就約左11:00pm左右o係兆康到會合,及後我地就先o係到食左d野啦~!!
及後我地就要搭車入去大棠到會合Anna兩姐弟,事因我地今日下午係要去行山~?!

由於Anna話佢屋企附近有個地方行山幾舒服,而且呢到仲會有紅葉睇嘛...
所以我地就計劃先去Anna屋企到玩陣,之後等冇咁晒先一齊出發去行下山啦~!!

趁住呢排大家o既心情又唔錯,再者天氣又唔係好極端o既太凍或者太熱喎...
所以我地先會有此安排,而且我地五個夾埋應該都會有唔少笑料可以爆下呢~?!

不過去到玩左一排之後,Phoebe就話見時間尚早而打算將其安排延遲陣啦~!!
所以我地五個最初就諗住打陣機,當然中間就梗係會吹下水兼爆左一輪笑啦~!!

玩下玩下時間就越o黎越晏,所以我地最終就決定取消去行山呢個計劃喇~!!
雖然原定去行山個計劃取消左,但我地留返屋內到打下機同埋玩game一樣好笑~!!

今日呢種hea住玩o既感覺,突然令到我地諗返起細個時候學校去宿營o既感覺~?!
因為我地今日真係足不出戶,全程都係o係屋入面到玩唔同o既野就過左一日~!!

再一次打破一個新紀錄,事因今轉係一次過就認識多兩位新o既朋友啦~!!
雖然我同佢地今次只係第一次一齊玩,不過佢地俾我o既感覺都係好友善呀~!!

台長: Ethan~
人氣(14) | 回應(0)| 推薦 (0)| 收藏 (0)
全站分類: 不分類
TOP
詳全文