時間話咁快又o黎到呢一年o既尾聲，我地即將又要開始新o既一年～！！
快將要送走2012年o既時候，到底我地對2013又會有咩特別o既期望呢～？！
諗返起今年o既種種經歷，最令我睇到o既就係人事上o既變動比較多啦～？！
睇返今年掛牌成員洗牌次數都唔少，而且應該仲係咁多年o黎之冠添呀～！！
每年一樣都係會有舊人離開，但同時又會有唔少新面孔陸續咁出現啦～！！
雖則話今年可以出牌成功o既人並唔多，但佢地o既整體質素都係比較好嚕～？！
至於上年成功出左牌o既新人方面，今年o既表現就比上年差左一大截喇～！！
回顧返本年度o既各種事宜，年頭一如以往都係比較平淡咁就渡過啦．．．
事因最近幾年家族都係好少有活動或聚會，加上今年又係是非最多o既一年～？！
年頭時間正值係『愛人』離開CPH初期，所以呢個階段都算係一個考驗～？！
起初我都估佢o既離開就係一個完結，幸好初期o既佢都仲叫做有ｄ基本表現～！！
捱得到最初三個月應該都叫做有ｄ料，不過好多野真係唔到人去做預算嚕～？！
因為跟住o既四月同埋五月，我就因為種種唔同事宜而同佢嘈左兩轉勁o既～？！
起初我都以為咁樣重創佢一轉後，佢係應該會知道自己及後應該要點做啦～？！
我知道要一個人去改變絕對唔係件易事，而佢無可置疑係有努力去改善過～？！
嘈左兩轉之後好似了解度係多左咁，但係問題咪依然存在而最終未有解決到～？！
如果話佢唔知問題出o係邊，倒不如話佢o既毅力比我想像中o既仲要差啦～？！
而好多上半年已經計劃左o既事宜，大多數都因為時間問題而未能全部完成～！！
再者今年連Phoebe個生日聚會飯局，最終都因為時間問題而要暫停一年呀～！！
雖然首四個多月o既時間都冇點聚埋，不過我地大家之間o既感覺仍未有生疏～！？
及後我地就成班老友約埋見左一次，而呢轉就係賀Tracy及Ken哥間新屋入伙呀～！！
同時因為Phoebe餐生日飯冇左，所以我地亦特別將Tracy個生日做左合併啦～！！
事因佢地兩位掛牌o既生日都係比較接近，所以我地最終就做左呢個決定嚕～！！
難得大家圍埋一齊吹水同埋玩下，感覺真係返左去從前讀書o既年代咁呀～！！
而除左呢次生日飯局之外，五月o個陣仲因為Tracy生日而去左一次海洋公園～！！
上半年時間話咁快就過左去，但係下半年相比上半年就應該精彩得多喇．．．
至於我o既生日飯局方面，當然就係每一年度下半年o既第一個重點項目啦～！！
雖然今年o既場次冇上年咁多，但係今年繼續有一班好友陪我一齊渡過喎．．．
同時今年亦係我首年離港過生日，因為阿仔同秘書計劃左同我去澳門玩返轉呀～！！
三人行o既經歷從前都試過唔少次，不過離開香港一齊去玩就真係第一次喇～！！
除左生日過左去澳門一轉之外，今年亦係我咁多年o黎去得最多旅行o既一年～！！
因為上半年先後去左星馬及雲南，所以今年o係呢方面o既體會亦都有所唔同嚕～！！
而我本年度除左上半年去過海洋公園外，下半年亦都同屋企人去埋迪士尼添～！！
同時自己今年o係事業上亦有突破，事因我努力左多年後終於都收成正果喇～！！
除左o係各個朋友圈上得到認同及肯定外，今年連我公司方面都對我有所肯定～！！
而今年o既七月份除左係自己o既生日外，同時亦都係另一樣野o既完結嚕～？！
事因四月及五月同『愛人』嘈完後，直到我生日佢都並未有特別o既表示啦～！！
再者佢亦一次又一次咁令我失望，而呢個時候亦都係我最後一次見佢o既時間～！！
諗返佢起上年出牌o既時候，風頭真係一時無倆到連身邊所有人都覺得佢好勁～？！
因為好多年都冇試過有一個新人出牌冇耐，就隨即打入一個咁高峰o既位置嘛～！！
無奈最終佢都係經唔起時空區域o既考驗，而步一堆前掛牌成員o既後塵啦～！！
佢o既離開或者係天意o既安排，不過我地o既另一位新掛牌亦同時於本月出現～！？
繼姨丈於早前正式登場之後，今次就係一直都好少出現o既本圈家姐帶o黎新人～！！
而呢位新人當然就係佢o既另一半，姐夫o既出現亦都為我地帶o黎唔少新景象～！！
及後佢地兩位新掛牌成員陸續出活動，而且仲同大家好玩得埋兼好令大家受落～！！
至於到左下半年時間o既另一個重點項目，當然就係我個寶貝仔餐生日飯局啦～！！
今年繼續為佢帶o黎一ｄ特別o既感覺，所以我就特意揀左去THE-ONE到晚飯～！！
話晒佢今年都俾左一個特別o既生日我，咁樣我都會好似往年咁落足心機去搞啦～？！
加上隨住佢o既形象大改造之後，我亦知道唔少佢身邊人o既迴響表示讚好啦～！！
另一方面．．．
今年各個商場都有好多大大小小o既展覽，當中以海港城o既多啦Ａ夢展最為注目～！！
而我今年亦都同阿姨及姨丈去睇左幾個，咁當然有ｄ就係由阿仔陪我去睇啦～！！
至於o係下半年度o既時間方面，我主力就係同阿姨同埋姨丈玩得最多喇～！！
事因我地最高峰時間係三日唔埋兩日就會見，而且好多時仲會玩到好夜先會散～！！
雖然同阿姨識左咁多年，但係今年都真係我同佢於畢業後玩得最密最多o既一年～！！
話咁快就去到本年近年尾o既時間，今年真真正正o既重頭戲就真係要出現喇～！！
上一年大家就見證住Ken & Tracy成婚，而今年就到Phoebe & Jacky結婚喇～！！
佢地o既婚禮由開始籌備到完成，全個過程我都可以話係有份參與同埋見證住～？！
加上佢係掛牌上o既四巨頭之一，所以我地呢班成員係絕對重視佢o既人生大事～！！
見證住佢正式踏入人生另外一個階段，對我而言真係可以話係百感交集呀～！！
就係因為佢地o既大婚，所以我地掛牌今次亦都難得再一次有機會聚埋啦～！？
畢竟本年年度活動又少，加上大家工作上亦都各有各忙而令圈中人好少聚頭～！！
而且平日或往年好少出現o既掛牌人，亦都因為呢一事而重歸我地o既圈內呀～！！
而o係完左佢地o既婚禮之後，我地就繼續約下ｄ簡單o既聚會同埋活動啦．．．
接近年底先開始見返多ｄ唔同o既成員，而呢個時間亦由Jacky帶o黎一位新人啦～？！
佢o既好兄弟兼婚禮當日o既伴郎，好快就已經同我熟絡兼開始圍埋一齊玩喇～！！
繼往開來．．．平安夜、聖誕節及除夕夜三大日子都係我好重視o既時間啦～！！
而今年全個聖誕節假期亦都有唔少活動，當中就梗係同ｄ重要人士一齊過啦～！！
咁多年o黎都未試過由聖誕玩到元旦，所以今年o既經歷對我而言亦都係難忘嚕～！！
其實今年比上年的確係平淡左，不過我亦都慶幸今年算係過得快樂o既一年～！！
雖然今年家族上係有唔少問題，但我深信只要大家有心維繫係絕對可以解決問題～！！
至於今年仲未可以有答案o既各項事宜，我地就要留待下年度再逐一商議喇～！！
2012年度熱播十大歌曲
01.許廷鏗－青春頌(221)
02.容祖兒－連續劇(206)
03.許廷鏗－最喜歡不是我(187)
04.胡鴻均－明日(163)
05.許廷鏗－重新長大(141)
06.胡鴻均－一生一心(121)
07.胡鴻均－雙飛(103)
08.陳僖儀－蜚蜚(89)
09.吳雨霏－人非草木(77)
10.古巨基－戀無可戀(71)
文章定位：
