15-11-2003
做某一科個project,出現左一張千年摺"登".永遠摺埋,打極唔開!
衣著方面...早已成為一個funny topic!
音量方面,激細聲~次次佢講野都冇人聽到,梗會有一個話:"佢講咩呀?",又梗會一個話:"完全聽唔到喎"
反應方面,慢3點5拍,已經講曬,already moved去下個point時先提出之前o既野有問題!
貢獻方面,absolutely ZERO!開會出席率極低,遲到早退不在話下,仲要老作缺席原因而自己之後又唔記得自己作過d咩,前言不對後語~
約好時間開會,一早問定佢幾時等得閒,就到佢喇,到時人又唔出現,電話又唔開~第2朝仲身有屎咁避開groupmates~
借d二就話去sit堂,實際又唔係sit堂只係同人打牙骹,sit完堂完全當groupmates冇到,唔會返去繼續開會而係當已經完左就咁走人!
叫佢幫手睇下reference book drop低d notes咩,notes寫左一大版呀,完全唔拿出黎俾groupmates仲拿埋返屋企俾自己溫書添~
不過講呢張"登"o既罪狀,"的而且確成為我地o既樂趣~ 你一句我一句咁,幾鬼開心!做做下project講下張摺"登"即時醒神呀!
尋日大家終於都忍唔住,對住張"登"連珠發炮!
唔呻喇,再呻我會爆血管!瘋狂爆粗都唔可以撲息心裡面d火呀!
文章定位：
