這兩天很累,去完呢度去o個度,晚上又訓得不好~咪就係因為慶祝某人生日渣嘛,真係有d自己拿來搞的感覺!上次同基哥講開,佢話我好似對佢完全唔在乎咁,諗深一層又幾o岩喎~所以為左佢開心下累死都無法啦~
昨天去了山頂,生日有買套票優惠,$170兩個人包昵來回纜車同乜館乜館,抵呀!山頂o個d野我都未睇過玩過~蠟像館同信不信由你都幾多野睇~不過那個動感影院廢到爆!播了兩套片,完全冇乜刺激感,只係張椅搖搖下,無聊到死~成套片我只係笑,笑張椅成日撞到我個頭!睇第2套時,我已經由搞笑變苦笑,最後仲狂打喊路~好唔掂呀下!
夜晚食日本菜任食,麻麻姐,d單亂曬,咩心情都冇呀~我仲以為buffet有餐飲,叫了兩杯鮮"慘"汁啦,原來係冇架~o個兩杯野連埋加一係$95個幾囉~真係...好飲到震呀!
搭lift見到羅慧娟+蔡子健,個男o既都幾高,女o既好多批盪喎~
今天食完lunch又去銅鑼灣shopping,本來打算睇六樓后座,但實在太累了,費事睇睇下訓著左,所以都係返屋企訓,一訓就訓左2個幾鐘,訓到個人都懵懵地~
自從那天跟基哥講完電話後,發覺了自己的自私自我,好像好目中無人,尤其是對住佢,永遠都好似睇唔起佢咁,冇尊重過佢,呢個問題唔係特別因為"佢",係我本身性格問題....咁樣好唔掂~其實自己真係好惡頂,我都唔係今日至發覺,只不過我永遠去逃避呢個問題姐,有時o係人地口中得知自己的短處,感覺可能較難受,但係咁先令你認真去反醒~
朋友我忠告是善意的,想你好才勸你,否則睬你都有味啦!
收到了!多謝~
最緊要一樣: 迪迪,happy birthday!
要快快樂樂,千其唔好快"落"
文章定位：
