今朝又要早起,很累~原因是陪女麻女麻去九龍城買食送o聽晚做節!推著架車仔,有時裡面多人,佢又叫我企o係街市門口等佢~等呀等呀,已經好眼訓架啦~仲要悶悶的等,只聽到周圍d人"gei呢咕嚕",一望~隔離企左好多賓賓,印印同泰泰,個個都有架車仔o係到等佢mum出黎~搞到我勁另類,唯有尷尷尬尬咁推住架車行黎行去囉~ >.<
返到女麻女麻屋企,亞爺又同我話當年喇~佢講呢d好高興架!又周圍摷野俾我睇~我都係今日先知...登登登登:我係呢個陳氏家族第26世,有輩份架,我係'欽'字輩架~哈哈,以前真係唔知~好似o個d路易十五,路易十六咁~好得意!
夜晚去亞姨新屋的入伙酒+亞joe生日會,勁多人,差不多30個,不過可能間屋大都唔覺迫!最搞笑係亞joe有個朋友仔都黎左喎,係女仔黎架喎~我地就o係到討論亞joe同個女仔搭校車識左2日就知道屋企電話打黎自薦參加生日會~而家d女仔真主動,haha!亞joe都好勁~2日就溝到女喇~
八八卦卦的我地就去問個女仔住邊啦,個女仔話住同一座1樓喎,亞姨問佢屋企望唔望到海景,佢話望到喎~ 奇怪喇!亞姨住10樓都係o岩o岩望到海姐,佢住1樓冇理由望到架?!我地全部都諗左好耐~先驚覺...泳池咪海景囉!1樓一望就係泳池啦~笑死我!
文章定位：
