今日同媽媽去和民食完lunch(我請架!>.<),就去左旺角行街,佢又話要去上海街買砧板,咁咪陪佢去囉~~ 點知佢原來都唔記得間舖o係邊,o係大熱天時就係咁o係條街到行黎行去搵間舖喇,不過亦因為咁而見到好多咯咯雞通街行呀~
其實上年o係太子做summer job時都見過唔少架喇~ 不過冇咁多囉!今日簡直就好似入左雞場咁,d咯咯18,22又有,亞姑師奶咁o既都有~個個唔係吊帶超低V領夾大胸,就係透視極級迷你裙~直頭嘆為觀止啦!個個o係條街到蕩,一邊蕩一邊扭patpat~
之後仲眼見住一單交易完成添,個男o既著住西裝官仔骨骨咁,同埋個細細粒著吊帶短裙的就o係我前面一邊行一邊傾,傾傾下就行左上一個掛住"X妙"黃色招牌的樓梯上左去~ 嘩o係~~今日真係大開眼界呀!
而且我仲見到間擺明賣咯咯衫o既舖頭添呀,window d衫件件都勁少布又透視~舖頭裡面仲有2個咯咯添呀~~
可能有人會覺得我大驚小怪,但我呢d大鄉里,真係今日增廣見聞呀!
文章定位：
