車天車地 一個有好多回憶既地方!!!

106愛的鼓勵 0訂閱站台

22-6-08(五)今朝起身真係中招，喉嚨唔舒服，有啖同咳，但照返工，因我相信我頂得到的，同埋放工後又約了少敏去洗牙，然後同Vicky食飯。

一入課室時，收到漢聶o既圖畫，佢畫得越來越靚了，d小朋友送俾我d卡我多數唔留，但圖畫就一定留。

10點幾時，阿何同阿盧見到我個樣都真係好病了，佢地都叫我走，襯今日人手足夠時，就會更好。但我唔想走，因我下星期五已經會連放幾天了，加上今日又放病假，好似唔係咁好意思，不怪得早排電視先話香港人唔敢請病假，原因係驚俾人話。

D同事個個都關心我，叫我病就走，也無謂傳染俾小朋友，佢地說得對，加上我個班呢幾日都有人發燒，最多試個6個人發燒請病假，所以我病埋都唔出奇。

11:00leave，行去忠信藥房到配左d藥，留番去旅行時食的，跟住去紅磡診所睇下街症有冇位，結果冇位，於是我行返去家維村坐小巴返愛民，睇何其通，睇醫生也加了價，要$150。

醫生話我感冒，上呼吸系統受病毒染(我成日都係病呢樣野。不過今年算是病少了。)

跟住回家煮了個公仔麵，然後食藥，2:00瞓覺前，仍未搵到少敏，所以留言佢知我病了，睇下洗牙個度點算，瞓到5點幾，其實瞓完精神都好多了，而少敏打來，佢話佢取消了睇洗牙，既然佢唔去，我也不去了，可以留係屋企休息。

晚上阿媽叫我出街食飯，但我好累，唔想出街，於是佢買大快活俾我食。

等到1:00食埋最後餐藥就瞓覺了。

23-6-08(六)8:15先被阿哥嘈醒，一開電話睇下幾多點，一看之下就知大穫了，我要返8:00的，但我7:00時聽唔到電話聲，拿拿林起身，跟住坐的士返工。呢期成日坐的士，不斷振興香港經濟。

早上出組時，我已完成視學那星期的教案，同埋出了評估工作紙。

1:25同校長、阿何、細黃一齊走，坐30x去深恩軒聽精神壓力講座。聽到5:30完，yeah!又gain了3.5hrs補時，呢個機構較好o既福利就係聽講座可以得ot，但其它福利麻麻，返工時間又長，假期又少，醫津又冇。

搵118巴士站，一係向太子方向行，一係向深水埗方向行，我選擇了向向深水埗方向行，我未搵到巴士站時，已見了有3架118巴士，行過左，不過算啦!當行下街，睇下野吧!到我搵到巴士站時，又未咁快有巴士，真係…搞錯。

上車第一件事，就係瞓，因為好累，星期六似乎好塞車，坐在成8、9個字先到柴灣，如果撘地鐵會快d，不過撘地鐵冇位坐，同埋貴d，這就不化算了。

6:40上到表妹屋企，先食飯，後打牌。表妹以為我仍食緊西柚減肥餐，所以晚餐o既餸只有西蘭花同煙肉雞蛋，er…我停了餐單個月了，而體重又keep到，所以短期都唔會食番，直到Mandy結婚前先會再食。呢餐飯不是太飽，所以到9點時已覺肚餓了。

對打牌興不大了，即使win也沒有太大感覺，我o既興趣已被圍棋佔領了。

打到11:30，爸爸來到了，於是坐的士回家。爸爸車完我回家後，我想渣下車的，不過自己食了藥又累，都係唔好了，下次先吧!但回到家，一掂棋，竟然精神番(明明我係的士時都機乎睡著了。不怪得我阿媽係的士時己話我一回到家對住電腦就會醒。)

成晚都冇捉棋，只係睇人捉同覆局(同Kelvin、Frank一齊覆局，覆局都幾開心的)，同埋自己打下日記，同人msn下，跟住教下Waigar捉圍棋，4:30時已經好眼瞓，一路同佢捉已經瞓著左，佢行一步我先醒一醒，結果4:40先瞓。

22-6-08(日)4:40瞓到12:20起身，瞓左8個鐘，唔係好夠精神的，不過先起身，一陣先再瞓晏覺。食了個杯麵，跟住打日記，同睇無線o既電影虫不知(呢套戲我是在戲院和阿蒙一齊睇的，個時張戲飛係免費的。)

我呢期唔敢捉棋，係因為驚輸，所以寧願捉讓子棋，但其實咁樣唔會進步的，而Kelvin同傻狗都已經8K了，阿sir話我被人追過了，好冇面，er…咁我唔捉lor，早幾日我先諗過：「呢排都有諗過好似係時候完結了，自從星期四上完堂後，返到屋企我都竟然提不起勁捉棋，心知不妙了，可能是限期已到，同埋o黎緊2星期我未必去到學棋，一但失去興趣，恐怕我會離開了。」不過琴晚覆局時，幾鐘意一齊研究棋個種感覺。

睇完電影捉了一盤棋，win了，殺到人有了樂趣，才有番d信心。

5:00想去瞓覺，但好醒瞓，5:40收到Teresa電話confirm星期三食飯，既然都醒了就唔瞓了。起身打日記同捉棋。

捉完盤棋，根住同Kelvin研究番點行，可能覆局能令我對棋有番d興趣。

8:00同阿媽出大快活食飯，跟住回家繼續打日記。

PS冇去學劍撃，一來好累想休息，二來過海又要十幾蚊車費，再食埋晚飯，又會用錢，三來今日天氣好熱，唔想出街，四來冇咩興趣再學。