24h購物| | PChome| 登入
2008-05-28 23:33:27| 人氣68| 回應0 | 上一篇 | 下一篇

混戰

推薦 0 收藏 0 轉貼0 訂閱站台

27-5-08(二)早上，同班仔去參觀郵政局，臨走時，錦盈又扭計，話唔見左郵政局，係到發脾氣，我採取不理喻政策，照走(當時眼睛有望住佢)，佢走死死地氣跟返來。呢個衰妹，呢期鐘意樣樣野都搵o黎發脾氣，我要冷靜，唔好同你硬碰，要以柔制剛。

小朋友準備上堂睡覺時，高班D小朋友來話我知，話K2 d小朋友用曬d廁所o黎大便，咁我出去睇時，就見到細梁好火咁經過，我見到係廁所大便的小朋友有K2o既芊芊同錦盈、K3o既琬琳同N1o既卓爾，車….都唔係全部K2小朋友，都有其他人用咁。我係廁所時，校長又入埋o黎，跟住叫嬸嬸清潔，我都以為呢件事告一段落…但

係lunch時，細梁同我和阿何講，話頭先佢K3 d小朋友搵娥姐時(幫小朋友清潔臀部和倒水沖廁)，阿彭就話邊個小朋友就叫邊個嬸嬸(乜有d咁o既慣例咩?我真係唔知，咁小朋友為先，邊個見到就邊個做架啦!)，後來細梁同校長講番呢件事時，娥姐都行入來一齊講，佢兩個都好火wor，娥姐解釋番以往邊個小朋友大便時，個老師都會叫番跟那班的嬸嬸去跟進(阿!原來阿彭頭先講那句邊個小朋友就叫邊個嬸嬸，就係呢個意思，咁我明了，但其實唔同場場合所用o既方法都會有不同的)正如細梁都強調番，呢個時候小朋友係優先處埋，以小朋友生埋問題係行先，所以老師叫到邊個嬸嬸去幫都應該幫(細梁唔叫明姐，明姐本身都是跟K1和K2小朋友，因這個時候，明姐也幫小朋友換緊褲。)

娥姐話佢都有叫小朋友去問係廁所D小朋友(柯)完未，高班小朋友話佢地未(柯)完，所以娥姐先唔去處埋，要個急緊大便o既小朋友再行來行去問呢個問題，本身就是問題了。

希望時間快d過，快d掉淡呢件事，大家有條刺去做野，又點會開心!不過呢件事上，校長明顯醒左，起碼被人覺得佢有份出口調停下呢件事。

放6:00，放工時，娥姐、阿彭又同我慎番，我都唔知點應，事關我覺得有時雙方o既語氣都唔係太好，咁樣好易發生誤會，我只能做一個聆聽者，同埋為你祈禱啦!

坐6:40車回家，跟住同阿媽食大快活，返到屋企不斷捉棋，輸3盤又win3盤，捉到12點幾都諗住瞓了，點知去一個較長的廁所，又攞埋部NDS去搵，又搞到成點幾瞓。

我要檢舉
台長： 車人

您可能對以下文章有興趣

人氣(68) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文