車天車地 一個有好多回憶既地方!!!

106愛的鼓勵 0訂閱站台

2-6-07(六)琴晚post日記，搞到成3:00訓，今朝12點起身，雖然有訓到9個鐘，但訓得唔係太好，成日整，所以重係好累，1:30出門口前食了一包蔬打餅，然後食d傷風感冒藥(上次食錯藥事件食剩的藥)，諗住坐41/45號巴士，但驚星期六塞車，還是行路，但行路應該會遲到，因為上次行路去深水埗安康幼兒學校係要40min，同埋上次係早上行，唔太陽曬，可以行路快d，但呢別咁鬼曬，完全冇心機行。行到去衞理道中大社區書院那個位置，剛剛好有部2c，我就上車，然後去到洗衣街落車，再行過去，去到安康剛剛好係2點，安怡o既梁老師比我早到。

同安怡老師係到打口較，等到安康o既體操落堂，我地先可以入去搬枱，佢地差不多成2:25分先完，咁洗鬼叫我地2點到呀!

見到陽陽一家時，佢冇咁抗佢我，好鬼怪的，每逢佢同父母一齊，加上唔穿著校服，見到我就會唔理我，lay係阿爸阿媽後面，今次佢就好d，冇lay埋，唔知係咪佢琴日病左既關係，定係因為呢到唔係安基呢?

今日做左大會攝影師，不斷影相，其實我幾鐘意影相，可能影慣profile既相，知道點樣就角度影相。但因為顧住影相，晉浩阿媽叫我幫佢搵碟，然後把製成品放入焗爐時，我有叫另一個老師幫佢，留個位俾佢入爐，跟住我又繼續影相，後來d老師話有個家長搵我，原來係晉浩既麵包多士製成品重未入焗，我緊係拿拿聲幫佢拎去放入爐，那時見佢阿媽既面口都有d開始黑，「大佬」家長唔得罪架!之後都麵包出爐，我緊係主動行過去攞個食物盒，去幫佢入將麵包放入人盒，後來又叫佢地一家人同仔仔一齊影相，影下d製成品，後來見佢地都係影相，面口都叫ok番!唉…實係老師唔易做，聽細梁講佢阿媽已經好唔滿意校長，所以我緊係唔好再去得罪人，萬一將來教佢個仔，都要打好d關係先。
陽陽爸爸始終係一個熱心既家長，我地係4:30準時完左課程後，佢留下來幫我地搬枱，真係唔話得。

4:45就可以走了，比上次阿彭話要5:30先就得為早。

同梁老師一齊行去旺角，由於安怡學校係分兩黨，我得知梁老師係教N1，以前又係係安強調校到安怡，根據大梁同我講，調過去安怡o既老師係一黨，同本身係安怡既老師係唔妥，我諗佢應該係同阿林熟的，所以可以放心同佢講野，因為以前阿林都係安基既老師，而我因為我班同事同佢熟而識佢。
坐慈雲山小巴上慈雲山搵Phoebe，買麥記俾佢食，其實我都想吃麥樂雞，因為個醬料好味，去到發現個醬料已冇曬，加上我又食左藥既關係，個口好寡好乾，唔係好想食野，結果我只買了杯細奶昔。

去到佢屋企玩wii，有打保鈴、tennis、boxing(真係好似玩完boxing咁)，同埋一d mini game，其實打完boxing後雙手超累，個人又累，都冇心機再玩了，我寧願係度睇雜誌，慶幸自己冇買到wii，因為我都唔係太熱衷打機，可能要多d人先有mood玩。

同Phoebe隻貓玩，都幾好玩，佢會對住個搖動既毛毛係度撲來撲去，佢真係好精力。個d毛好滑好靚，重會咬我tim，但係唔痛架，佢會扒係到時會四腳拉長，成個身好長好搞笑。Phoebe重將佢掛係我膊長到，好彩佢唔會伸爪，唔係既話我會驚架!

Phoebe煮埋我飯，佢唸住我係到食重買埋蟹，但係我皮膚敏感，都係唔好食了，放且我本身只對大閘蟹較有興趣，其實肉蟹都ok，但係對我來說是可食可不食的。今餐超清淡、只吃菜、瓜同飯。
10:15左右leave，坐小巴落旺角，全車只得我一個。真係威，6蚊就可以包車，用大約20min落到旺角。然後行番屋企，11:00左右就回家了。
點幾訓覺。