向翻譯家林文月先生致敬＠Tong-îng 的台語時間

2023-06-06 16:18:46| 人氣4| 回應0 | 下一篇

向翻譯家林文月先生致敬

頂月底文學界有一个報導
「作家林文月辭世享耆壽90歲 曾譯《源氏物語》」公視新聞網），
隨就有幾个的面友寫出𪜶的懷念。
做一个日本經典小說的翻譯後輩，佮這位翻譯前輩的一屑屑仔的
關連寫出來，表示對伊的 敬意。

頂一站仔窮（khîng）冊的時陣，看著伊寫的「京都十年」，冊皮是已經無去矣，1974年買的純文學出版的版本。就想欲閣知影較早的京都啥款，就共留落來。上受人注目的《源氏物語》翻譯本是中外文學社的版本。會記得彼个時陣我應該是當咧看日本的歷史小說佮企業小說，會想欲看是認為家己佮日本人盤撋一世人，毋捌看過「源氏物語」敢會看口咧？毋過，是毋是家己的慧根無夠，一工是看無幾頁。老實講是真歹看，會記得是看足久的。後來嘛捌問過日本人，𪜶講日本人嘛是無濟人看過。

看伊的生平，是日本的教育讀到小學5年，小學6年才開始轉換做華語的教育。佇這个語言佮習慣的轉換過程應該是受著真大的苦楚佮災難。予我想著咱戰後有濟濟台灣人的讀冊人，對日本語轉換做華語的苦難。

林文月先生翻譯的日本古典小說有
《枕草子》《和泉式部日記》《伊勢物語》《源氏物語》
《十三夜：樋口一葉小說選》

日本古典小說的內底有中國的典故佮日本的典故，甚至有佛教的
典故。翻譯是需要真濟真濟的考據。閣莫講源氏物語內底的和歌
（日本的古典詩歌）是有795首的翻譯矣。無真深的底蒂是做袂到
的。根據本人所講的，源氏物語的翻譯是用5年半的時間。

伊閣是愛教學生的教授，閣是作家，佇散文，論著，兒童文學（改寫）各類的作品是足濟的。伊的散文作品《交談》佇1988年是
得著散文類的國家文藝獎。真正是無簡單的代誌。
伊是得著國家文藝獎的第二屆（1994年）翻譯成就獎。

舊年我當咧翻譯芥川龍之介的短篇小說的時陣，有一位台文的
前輩問我，看我欲來共「源氏物語」翻譯做台語文無？
彼个時陣我是當咧佮芥川這位大天才的文字佮「引經據典（ín-
king kì-tián）--（引冊ín-tsheh）」的文章的翻譯戰甲烏天暗地。
而且「源氏物語」是有規百萬字，閣是日本代表性的古典文學，
翻譯做台文是大工程。就回講我一个人力量是無夠的 （就莫講我的
功力有夠格無），若會當招一陣人做一个team來翻譯，我真歡喜來
參加。

這幾年來鄭順聰先生的走傱、鼓吹，日本經典小說的翻譯是有一
寡仔進展。 嘛有袂少人投入台文翻譯。下一步是啥？沓沓仔咧浮
出來矣！ 期待有心人！
（Tong-îng230606）

我要檢舉

台長： Tong-îng Lîm

人氣(4) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

回應(0)

Tong-îng 的台語時間 0愛的鼓勵 0訂閱站台

向翻譯家林文月先生 致敬

Tong-îng 的台語時間
0愛的鼓勵 0訂閱站台

向翻譯家林文月先生致敬