尋日同carmen 補祝生日, 都係個間餐廳, 都係4個女仔, 人雖然唔同, 但傾既野都係差唔多, 阿菁話好難搵到一個完美既男仔, 一個理想中既男朋友, 我覺得唔係無, 而係就算搵到, 個男仔都應該已經有女朋友……
最近好奇怪, 好多人都問我同一個問題, “阿詩, 你諗住幾時同周柏豪結婚?” 佢地都會覺得, 都拍0左咁耐, 唔結婚仲有乜好做? 但我同柏豪從來無諗過呢個問題, 可能就係因為拍0左太耐la, 覺得一切順其自然, 但我相信我地會結婚既~ 過多幾年先算la, 一個未畢業, 一個未搵到野做, 結婚對我0黎講仲係好遠, 而家既我想做幾年野, 有自己既事業多過有自己既家庭~ 不過最重要既係我地到而家都仲未將對方介紹俾雙方家長識, 雖然佢有提過, 但我覺得仲未有呢個必要住…
尋日買0左幾本好cute 既相簿, 將北京d相擺晒入去, 隔0左成年自整, haha, 好懶~~ 每擺一張就會諗起我地當時係邊, 做緊乜, 長城, 頤和園, 動物園, 圓明園, 近春園, 前後海, 前門, 唱k, 飲酒, 仲有大富翁, 大話骰, 打牌, 食生果, 去超市買野, 捲棉胎, 幫irene 搞神秘party, 一人摺一個 ‘心心’ 俾benny 做生日禮物……好快就一年la, 我記得上年既我仲係度煩緊好唔好話俾柏豪知我唔去旅行返香港, 個時同佢關係好差, 唔識面對佢…咁快就一年…一年之後, 好似咩事都無發生過, 我同佢好似返到未去北京之前咁…時間, 係一種好好既藥~ 發生過既事唔會忘記, 但有好多事好多感覺都會隨住時間慢慢變成回憶, 永遠放係心裡面…
永遠都會懷念我既北京之旅
文章定位：
