前幾日去0左跑步, 可能太早既關係, 無乜人, 而且d風吹埋0黎仲涼涼地, 好舒服, 成個人醒晒~ 自己一個跑感覺幾好, 諗好多野, 好多好多...一邊諗野一邊跑無咁辛苦, haha! 今次, 叻0左, 上次跑0左一陣就頂唔順~~
今晚約0左幾個中學同學一齊食飯, 4個女仔, 雞啄唔斷咁, 傾到人地閂舖都唔肯走, haha~~ 好開心, 不停咁笑笑笑, 笑到喊...家姐話我仲係好鍾意笑同好易笑, 乜都笑, 好似個d 一拉就會發出笑聲震震下既公仔咁....~~haha, 我似咩??
我地講0左好多拍拖既野, 佢地都好出奇咁問我同柏豪咁多年無鍾意過其他人, 無遇過一個令我心動既人, 我選擇講一個大話...無... 有d感覺, 有d野應該放係心裡面既...
跟住又講下點樣令自己更有吸引力, 隨時ready 好, 俾人追or 去追人, haha, 不過我諗下諗下, 我都無乜資格去講, 因為so far...都無乜人對我有表示...我都幾失敗wor, haha!
又講0左一大堆假設性問題, e.g 男仔想拖你, 但你又唔想, 咁點做? 識0左幾耐先俾佢錫好??錫0左會點ar??有bb law~~~~~~~haha...好多好多, 好白痴, 笑到short 0左, 仲有搵工and IQ 題, 成間餐廳最嘈就係我地...~
今晚好開心!
今朝發0左一個好怪既夢, 夢入面好唔開心, 喊0左出0黎, 醒0左發覺我真係喊緊...
文章定位：
