琴晚睇完fight club,我唔可以話好中意套戲,亦唔可以話套戲好好睇,但係一路睇套戲個腦入面好多野打轉,一路好有感,直至睇完套戲之後都有感想,估唔到套戲其中要表達o既野同我日前online diary寫o既野有d似. 就如tyler講,你用名牌,唔代表你有style,要睇你o既身份,唔係睇你銀包入面張金卡,唔好話比我知因為你以前捱窮,所以而家想過d奢侈生活.首先世界上窮人多過有錢人,唔通個個都要咁諗? 第2,你而家有錢買咁多物質,買貴野,窮極都有限啦,唔好以為咁樣係理所當然. 又如tyler講,呢個世界冇完美o既生活,你要去追求,係無止境ga,有d野係時候放手.
現代人追求物質享受,追求虛榮到呢個地步,真係唔係套戲入面話幾廿個人就可以打破到. 呢個世界o既野,唔係人地有,自己就要有.我唔覺得人地用o個樣野,睇o個樣野,聽o個樣野,我就要跟. 熟我o既人就知,我最唔like d mainstream野,你可以話我不屑呢d野就好無謂,你都可以話我扮高擋,係,我其實唔需要咁做,但我覺得人生太就係多野要妥協,o係我能夠選擇o既時候,我能夠控制o既時候,我寧願唔對呢個社會妥協,正如套戲講,做一d你平日唔會做o既,做一d同周圍o既人唔同o既野,你話覺得香港人冇愛心,但點解你搭車唔讓座比人?周圍o既人唔做o既野,反而我地應該去做多d. 唔通你覺得日日由朝到晚勞勞碌碌只係為錢,而冇時間去享受係好成功咩? 我只係覺得咁係好戇居,你只不過係一個同周圍o既人一樣o既slave,失去左夢想o既shell, 你o既身份去左邊?
但而家又帶出另一個問題,如果你唔想做物質o既奴隸,唔想受控於某樣野?你會點做去改變?就係反過來去控制返佢,呢樣野好簡單,唔洗多解都會明. 又諗返起matrix,如果唔想被電腦,被虛擬世界控制,你就要好好控制返佢. 如果你覺得被人牽制住,你就要唔好比佢再牽制,而控制返個局面. 如果你被你o既情緒控制住,令係成日亂發脾氣,唔開心,你就要學識控制情緒. 琴晚,我感覺自己已經行出第一步,o係以前我每當expect左d野,但事實同我想像唔同,我會好down,就好似以前如果我病左,佢唔打黎問候我,我會好down,但琴晚我做左個平日唔會做o既決定,就係自己主動打比佢,問佢係咪唔得閒,所以冇打比我,主動話佢知我病情點,我o既情緒唔再可以控制住我.
或者再講返fight club呢套戲,我覺得呢個組織o既成員有d似佛教o既苦行僧,佢地要受苦,受訓,拋開物欲等等,anyway,只係覺得有d似. 仲有套戲令我諗一諗起l'etranger呢本書,主角就係做一d社會規範以外o既野,就比人批評,人成日定左一d social norm,話你一定要照住做,例如話你細個讀好書,大個搵份好工賺多d錢,賺到錢之後結婚,結婚之後生仔,唔係話咁樣唔o岩,但可唔可以有d唔同呢? 讀書十幾年,你覺得好開唔開心? 你學到d咩做人道理? 你地咪又係會講粗口,為左自己利益,不擇手段,只係計住自己d分,佔人便宜,傷害人,你對社會有咩貢獻? 講到呢度我諗起phone booth呢套戲,你甚至從未試過幫助過一個陌生人. 搵份好工賺錢,你覺得自己咁樣叫好成功咩? 但你咪會為求付好老闆而變到虛偽,為升職不擇手段,為求做到單生意去偷呃拐騙,為求賺多d錢,去犧牲人地利益去成全你自己. 真係唔知人係由幾時開始變成咁,佢地有時根本唔知自己咁做係為乜,即刻你外表睇起黎係如何"成功",但你能唔能夠面對真正o既自己? 當你見到神o既時候,你敢唔敢直視?
如果你地睇完fight club,你講唔到你o係套戲get到乜野,我覺得可悲,但如果你o係套戲get到野,但你生活絲毫冇變過,係更可悲.
文章定位：
人氣(20) | 回應(0)| 推薦 (
0)| 收藏 (
0)|
轉寄
全站分類:
不分類
