24h購物| | PChome| 登入
2017-03-21 15:11:00| 人氣1,814| 回應9 | 上一篇 | 下一篇

乜都講吓…

推薦 0 收藏 0 轉貼0 訂閱站台

無咩想睇…

繼亞記之後，傳聞又有一間收費電視台想摺想摺…其實呢間電視台我未畀個錢買來睇，係記得以前有個衛星台，會收到呢間電視台的免費頻道先有機會睇到！記得佢嘅節目有啲都唔錯，亦都捧紅過唔少藝人！不過現在的衛星台已經收唔到，都好耐冇睇過…現在除咗主台之外，仲有港台同VTV可以揀吓！不過唔講唔知，原來好似VTV都要蝕成億！唔通電視行業開始萎縮，又或者大家用來睇電視的時間真係少咗，亦有可能大家真係冇咩想睇！

 

同理心…

我諗無論什麼人都好，除非你唔係生存在地球，咁就可以樣樣置身事外，與其學習逃避，點解唔可以好好去學習包容、理解呢？！講緊係一齣戲，時下的確好多家長最好就唔好畀子女接觸一啲他們認為不良的訊息，就選擇見唔到，聽唔到…但現今訊息邊度都有，根本避都無法避…其實唔單止電影，就算電視都一樣，無論有些少打鬥、些少色情、些少不文台詞，分分鐘都投訴！誓要子女在思想上零污染，現在的細路已經似一朵溫室小花，無論怎樣形式的過份保護，相信都唔係一件好事！畀多啲機會細路自己思考下，學習對一啲事情睇法，從中學習先係真正的成長…

 

幸福…

在森blog都講過好幾次關於幸福，唔同人對幸福有唔同的定義，而且幸福都冇準則，唔一定要達到某種狀況就會有幸福，所謂的幸福就只有當事人才感受到…好多人都認為當今做港人活得不幸福，近排有個幸福指數調查講到香港，全球排位排到七十幾…哈哈（唔好再低啲…）唔理用什麼準則釐定，都知道咩原因，始終港人的生活壓力太大，而且生活節奏太快，甚至連你放慢腳步都唔得，咁樣生活邊會感到幸福呢…

其實幸福係要靠自己去找尋，唔係靠人或者物質去給你，只是我們本末倒置啫！如果你硬定要靠人、物質或者社會給你幸福，咁就注定排到七十幾…

我要檢舉
#電視台#同理心#幸福#幸福指數
台長： 森源

您可能對以下文章有興趣

人氣(1,814) | 回應(9)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
stella luk
幸福定義真係因人而異，現在身體健康已經很幸福了！
2017-03-21 20:31:53
版主回應
講到健康當然喇…仲要學似Stella可以自由自在，無拘無束咁四圍遊歷…都算一種幸福啦！！！！哈哈
2017-03-22 09:11:09
搞一爺
網絡搶走咗好多生意， 雜誌、報章都萎縮緊，所以我都贊同植入式廣告，等電視台有多啲收入，有錢賺先至可以拍好啲 戲， 跟隨時代洪流嘅變化而作出轉變， 即係要面對現實唔好逃避囉，養育細路哥都係要咁㗎，等佢哋做風中勁草，唔係 你老咗佢哋都獨立唔到咪好閉翳，你仲要照顧佢哋都好悲慘。

森伯肯用心回應我都算好幸福，因為我試過呢種幸福唔係必然架，我都要靠自己尋找同用心去經營呀！
2017-03-21 21:52:05
版主回應
講得啱，有時覺得網絡呢樣嘢都已經融入生活中，有些人除咗工作，其他時間都擺唔少在網絡上……你講起植入式廣告，PChome呢度已經唔少啦~~哈哈哈
我反而覺得有錢都唔等如一定拍到好戲，有些製作出品可能已經到達江郎才盡…唔夠錢可以講個心啫，用心拍都一樣！

照顧小朋友係父母的責任，如果在完全保護下，當有不順的時候，個小朋友就會易鑽牛角尖…了解吓世事的種種，對佢哋成長都有幫助～

如果blog友好用心回應，我又好難求其寫返幾句，通常都用心回敬！都唔算咩幸福，反而見到一爺的論文回應，森伯的幸福指數又升返啲啲咁多…哈哈
你的態度好正確，靠自己去經營好重要，亦是自己唯一能夠做到的東西…
2017-03-22 09:12:46
基爾
無乜時間睇電視呀,節目也無甚可觀,留返啲寶貴時間來睇森blog好過^^
家長有他們的選擇權,不過將來孩子會變成一個什麼樣的人,他們也有責任!
知足常樂.....!!!
2017-03-22 12:36:42
版主回應
留返啲寶貴時間睇森blog……森blog唔駛幾分鐘就睇晒啦~~乜要用好多寶貴時間咩?!!

現在新一代的小朋友，受父母安排一切感覺上好幸福，但過份保護又未必係值得高興的事…

學懂知足惜福都好重要…
2017-03-22 16:26:01
ykk
其實幸福可以好簡單. 只要可隨心, 隨意, 隨時上嚟傾吓, 見吓朋友, 也不錯 :)
2017-03-22 12:38:49
版主回應
KK兄講得啱！如果刻意營造幸福，實會弄巧反拙，只要隨心隨意地過活，幸福或者就可以自然到來…
2017-03-22 16:27:00
如心恕也
雖然有些話說出來未必人人啱聽，但不說出又會好嗎（明哲保身）？所以，我很難想像有一些父母長輩說，子女或後輩會思考的，會知道怎樣照顧自己的，不需事事都要擔心…
其實我覺得這些言語是有些不負責任！
2017-03-23 04:03:34
版主回應
可能新一代的父母,認為自己的子女永遠都係小朋友,處處為他們著緊操心...感覺十分受保護,生處在一個複雜的環境中,不是每樣事情都可選擇逃避,選擇不接觸,不知道...但試問又有冇呢個可能呢?!

何不開門見山,大家可以傾吓講吓?!從中亦可教導子女不逃避,學習面對不是更好嗎?!
2017-03-23 09:31:37
amour
幸福，我絕對同意是要自己去建造。
2017-03-26 16:47:56
版主回應
幸福感!!係好個人的感受, 當然要自己去建造出來~~
2017-03-27 08:52:11
Ka Ka
而家真的很少看電視，那些電訊公司送的免費電影也只是看過一兩次。我見好多人乘交通工具時用手機上網睇電影或上You Tube等，可能太多選擇了。
而家啲小孩太受保護了，家長們總怕他/她們不開心，受傷受挫折等等…其實太過保護，令他/她們思想不懂成長，少少挫折也承受不起…
2017-03-29 10:06:56
版主回應
係呀！現在一部手機都等同多種娛樂，又可以同親朋好友whatsapp傾偈，見到有啲人一放工上到車已經即刻要用whatsapp溝通，隻手仲忙過返工～哈哈！對住手機睇片，遊戲，上網更不在話下啦…對於某些人來講，除非電視有些節目很吸引，否則都冇咩衝動想睇…

現在的小朋友父母太過緊張，唔係都唔會衍生什麼怪獸家長，虎媽虎爸等等。要等小朋友思想成熟，對某些生活話題都要給他們思考下諗下，否則個人心智唔會成長～～
2017-03-30 12:32:04
KaKa
在這刻，我覺得幸福是…有健康的身體，
因為最近生病了…😷
2017-03-29 10:16:01
版主回應
近排身邊都有好多人都病，唔係感冒就幾聲咳，你真係要好好保重～～

幾時都話健康是福嘞！！
2017-03-30 09:01:09
stella luk
其實去我旅遊起步遲，趁仲行得現在追番，香港旅遊算相宜，每次我跟團都遇見有外國回港探親的人士，都順便參加香港的旅行杜旅遊。
2017-04-02 23:47:23
版主回應
有心未為遲...大多數港人都超鍾意旅行,只要能因應返自己的能力,想去邊都可以去玩玩,雖然身在香港,但其實香港仲有很多地方我都未去過,自己OK的話都會去睇睇逛逛~~
2017-04-03 08:44:14
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文