24h購物| | PChome| 登入
2016-05-16 15:49:58| 人氣899| 回應9 | 上一篇 | 下一篇

遇到意外…

推薦 1 收藏 0 轉貼0 訂閱站台

話說周末收工的時候，便一如以往搭車回程走啦，本應都冇咩太特別，所行的路都一樣而已，差唔多次次如是！車上就只得我同司機，基本上行駛的路由駕車者決定，但如果他們行了另一條路，我就要費唇舌指示他們怎行怎行等等…當然有啲人會聽，有啲人就未必理會嘞！兜吓路都唔係太緊要，畢竟都會去到目的地…

差唔多到目的地，沿路應該有班學生正正放學，司機突然急剎車，我個人都突然向前傾，司機說撞倒人！！！係個學生仔，被撞後個學生仔還可以走到斑馬線，仍想繼續過馬路，在旁的人都勸阻個學生，要去醫院…那時司機都已報警～個學生就唯有與隨行的老師們在安全島上等救護車…見個學生仍可以行走，但表面（頭部與手部）有擦損，最重要唔知有否撞傷頭及內臟…但小朋友可能受驚兼且有受傷，都有點痛苦表情…等到救護車將個小朋友送去醫院，司機就當然要等警方落口供啦……

件事又有少少令我體會到：

第一若果司機肯聽我講駛了第二條路，可能這個意外唔會發生，因為相差少少時間都可能令到事情有所變數的～

第二無論小朋友、成年人、長者都唔好以為可以走得快過部車，就算過緊斑馬線都要兩邊望望，尤其平時見人紅燈都急過馬路，完全忽視兩邊有冇車衝過來…記得好幾年前亦都目擊過一單交通意外，見到有個人被車撞到倒地不起…以前都有在Blog寫過…

今日都見到網上又有交通意外的新聞…所以老土咁講：馬路如虎口真係冇講錯！

我要檢舉
台長： 森源

您可能對以下文章有興趣

人氣(899) | 回應(9)| 推薦 (1)| 收藏 (0)
全站分類: 心情日記(隨筆、日記、心情手札)

我要回應
ohtria
真係要小心.
2016-05-17 02:45:08
版主回應
係呀!!真要以此為鑑~~
2016-05-19 08:42:31
搞一爺
我覺得司機比森仔選擇正確喎，呢個小教訓帮咗個細路，早啲提醒佢呢方面有問題需要修正。成長路上應該充滿波折傷害，運用知識同智慧去面對克服，累積經驗下次可以避開危機。
2016-05-17 05:52:53
版主回應
絕對唔可以話教訓,輕則少少傷,重則命仔都保唔住~~就算擦傷好少都唔抵啦!!
唔好話小朋友,大人有時都要注意交通的安全!!森伯老人家,怕走得慢,所以轉到綠燈先敢行...哈哈
其實今次意外,司機同途人都有責任!!
2016-05-19 08:51:45
stella luk
馬路如虎口！慎記！慎記！
2016-05-17 08:27:37
版主回應
講得啱!!所以無論大人小孩都要注意交通安全~~
2016-05-19 08:52:40
ykk
都係自由行累事, 巴士自由行, 路人自由行, 今次須雖然有森無力, 好彩都逢凶化吉!
2016-05-17 11:49:30
版主回應
有些意外,唔係單方面可以造成~~
路窄 + 一個大意的司機再 + 一個急急腳的細路 = 一單意外~~唉~~~~~
2016-05-19 08:57:02
Gael
希望個學生無事......
平時過馬路都莫講話紅燈,即使綠色公仔燈都要睇清楚兩邊先好過,因為都幾多失魂司機!!
揸車其實都已經慳好多時間,切忌心急結果貪快得個慢!
p.s.森哥果然好福貴喎收工搭的士XXD
2016-05-20 12:08:20
版主回應
我都係咁諗~~不過個學生應該冇咩大礙...
你咁做就好啱,穩陣起見,綠燈都要兩邊望望!!人就係貪快,就算平時搭扶手電梯都總有人在扶手電梯走上走落~~真係好離譜,完全莽顧他人安全!
唔係富貴~只是坐公司車!!
2016-05-23 09:54:12
kaka
而家有啲司機見有人踏上班馬線也不會停車的！(路面有黑白相隔的，有黄色閃燈那種，駕車人必須讓路給斑馬線上的行人！)
2016-06-03 23:58:46
版主回應
總之行近馬路附近,或者過馬路都要小心留意~~有啲大懵或貪快的司機會不顧他人安危直衝直過!!尤其香港地方人多馬路又多,為求多福自己小心啲...
2016-07-21 10:52:03
kaka
Hi!漏咗未覆呀！森伯伯....
(見到你blog 頂張相真喺好難叫得出森伯伯！kakakaka....)
2016-07-20 14:11:35
版主回應
呢張blog 頂相出咗好耐,你而家先見到?!!平時用手機睇?!!

其實森伯伯係心態似伯伯的簡稱啫,都係稱呼一句唔駛太介懷~~~哈哈
2016-07-21 10:55:52
kaka
我知呀！一早已經見到喇！
平時手機同電腦兩樣都有用黎睇blog,
兩樣都睇到你blog頂果張型仔相呀！
哦！收到喇！森伯伯！
(btw…做乜咁快心態就學似啲老人家呀？畀啲朝氣出嚟嘛！:D)
2016-07-22 10:25:51
版主回應
因為有些平台可能某些圖或文係會睇唔到…尤其手機睇~

KaKa實在太客氣喇！普通相啫~~

因為人經歷多了老練了, 成個阿伯咁都唔奇…而家近得你哋班後生仔女多, 心態先有些微的改善咋…
2016-07-22 11:12:56
(悄悄話)
2017-07-02 09:08:03
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文