24h購物| | PChome| 登入
2016-01-25 10:11:34| 人氣1,523| 回應7 | 上一篇 | 下一篇

撳唔撳好呢？！

推薦 0 收藏 0 轉貼0 訂閱站台

呢幾日應該最Hit的話題都離唔開個「凍」字！今日先聽到有人想好似細路仔唔駛返學…當然大人就唔想返工喇！雖然呢個時候最溫暖莫過於個被竇…之不過生活仍要繼續，工作仍須努力～清晨五點幾都要起身！其實前晚都已經感到幾凍，昨日（日間）在房中的時鐘溫度計已錄得有記憶以來最凍，得七度！相信外邊的氣溫應該再凍幾度！森老伯當然要摷返抓毛褸＋暖風機出嚟啦！！話晒都係老人禦寒之寶嘛！啲人話老人家冷親就大劑…所以長者森都要保吓暖！XXD

俗語有云：唔滾…唔係！唔係！係唔凍唔知身體好，當你若果在天冷時唔需要著太多衫，唔需要冚太厚被，沖涼又唔需要太熱的水～都足以證明身體幾fit吓！聽人講話食羊肉就可以保暖，但自己真係未試過在天冷時食羊肉…所以冇乜經驗之談，但我試過食薯類（重澱粉類），食完真係成身暖！素得嚟又健康唔錯～～

港人最興一窩蜂，就算睇冰都要一窩蜂上山頂睇，結果唔舒服都要人拯救啦！忽然想起打風去海邊睇浪…呢啲活動都係唔適合森老伯，年紀大，隨時機器壞！唔好話上到山頂跣返落嚟，就算在家中都隨時唔多掂！…之前已提到老人寒冬兩寶，餘下一寶就係平安鐘，諗吓今晚都唔知要唔要撳Iu…

唔知係咪凍一凍個人都精神啲！今日狀態都幾OK咁喎～～

我要檢舉
#冬季#老人禦寒三寶#平安鐘#一窩蜂
台長： 森源

您可能對以下文章有興趣

人氣(1,523) | 回應(7)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
MAN-MAN
這幾日都凍到好辛苦，又大風吹到頭都好唔舒服，森伯你要好好保暖呀！
2016-01-25 11:59:02
版主回應
係呀~~太低溫下人都容易唔舒服,所以要注意吓保暖~~多謝關心老人家!!
你戴頂帽可以嗎??給頭部暖一些會比較舒服!!
2016-01-25 17:04:21
Gael
聽人講食糯米飯也夠暖身
提議森兄不如著返果件靚靚型仔風褸落街跑返5-6K,一定成身暖晒,好過著利工民XXXXXD
2016-01-25 13:13:07
版主回應
好似Gael兄嗰啲後生仔就話啫,我呢類老人家食完糯米飯可能滯幾日~~
到時冷親就乜都唔型架啦~~唔好睇小利工民呀! 港產老字號靠得住...
2016-01-25 17:09:06
ykk
上山睇冰雪,個人覺得冇問題,不過都要守法規,個位玩斗妹jenny mak　挑戰警員真冇品．

森兄，唔好成日捻住撳鐘仔，可著多件衫或飲杯熱朱古力先入睡？！
2016-01-25 15:59:44
版主回應
唔知呢件事呀~~咁做呢位仁妹就唔係好啱!!
有時上去睇雪的朋友,都未必知自己的體質,人去自己又去,結果有低溫症又要麻煩警員去拯救...
KK兄唔好亂講,森伯伯只係撳平安鐘啫!!哈哈~~多謝你的禦寒提示!!
2016-01-25 17:15:33
stella luk
君子不立危牆下，打風去滑浪睇浪和日前的上山睇雪的市民無讀識呢句話呢！
2016-01-25 18:00:52
版主回應
講得對~~在尋求刺激的同時唔影響到別人,才是明智~~
之不過以港人性格,又好難唔想睇吓雪,影吓雪!!
2016-01-26 08:56:28
搞一爺
頂唔順！人世間冇乜温暖。
2016-01-25 20:01:11
版主回應
駛唔駛咁灰呀?!!
約埋啲親朋戚友,ｉ人之類打個邊爐,乜溫暖都有!!
2016-01-26 09:11:44
kaka
好似話下星期又涷番喎！
D人一窩蜂咁去睇落雪，D救援員及消防員真係多得佢地唔少。
2016-01-30 23:43:50
版主回應
係呀~~話今周又會凍返, 農曆新年應該凍些少才有氣氛…
可能羊群心態…人睇自己又想睇…結果搞到山頂人多車多~~~
2016-02-01 10:08:59
如心恕也
我而家也很怕凍，但始終天冷吸啖空氣都好似清新啲，而最怕寒天落雨，咁就真係唔想出街！
哈哈…諗下今晚唔知好唔好去撳，好彩你話係平安鐘，唔係就容易俾人誤會喇……
2016-02-05 03:15:45
版主回應
你講嘅寒天落雨,我都怕!感覺上會凍上加凍~~呢個時候好易風濕舊患發作,如非必要都唔會呢個時候出街~~
對於森伯個老頭子來講,撳平安鐘都家常便飯,來睇的老友記都唔會誤會架嘞~~哈哈哈
2016-04-21 13:44:55
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文