24h購物| | PChome| 登入
2015-12-14 12:38:12| 人氣1,514| 回應10 | 上一篇 | 下一篇

誰說！時間片刻變陳舊…

推薦 1 收藏 0 轉貼0 訂閱站台

有時人大了，反而好想時間可以慢慢的走！可是時間總比想像中的快～還在想今年有過什麼事應記低之際，一六年又將近到來～每逢年尾總是很多節日節目堆在一起，而且一年一度的放大假，都要在這種唔經唔覺的情況下去計劃…

其實每年都無咩特別話揀定禮物送畀人，除非親人可能會，唔會刻意！見到適合的才買來送！若然人家送來的有森禮物，我多數會回禮！早前有同事生日，就因為咁才要諗份禮物送給她，有時諗禮物都幾頭疼，反而細路或類似森伯伯的長者們就容易諗！細路仔只要送些得得意意、車仔、公仔…比較唔駛花太多精神！若然送畀長輩，就更加易啦！森伯伯鍾意嘅，大部份長者都會鍾意架啦！反而最唔傷腦筋～XXD至於年青人同中年人…森伯最捉唔到頭絮～～

既然呢位同事都在年尾生日，就不如送本日記簿就最實用啦！我初時以前現今的人有咩事件都會記在手機裡，理應日記簿都以為已經絕跡，殊不知去普通的文具店又畀長者森搵到喎！唔知畀錢的時候，收銀員會唔會諗：呢位阿伯仲用日記簿？！…


其實用品都冇話分新潮定過時，總之啱用適合就得！反而要記事用親筆寫上，印象會比較深刻，唔需要依賴太多電子產品嘛！用真正的筆、紙、寫低記事，生活唔係更有實在感咩？！哈哈哈

一望到二零一六，森伯更覺自己渾渾噩噩，因為一年實在太快嘞！！

我要檢舉
#記事簿#長者森#手寫記事#送禮
台長： 森源

您可能對以下文章有興趣

人氣(1,514) | 回應(10)| 推薦 (1)| 收藏 (0)
全站分類: 心情日記(隨筆、日記、心情手札)

我要回應
搞一爺
送禮好煩，傾向現金。
依家有電子支票，i利是……用少啲紙，斬少啲樹，又慳翻好時間添。
電腦檔案搜尋快過紙張書簿嘅紀錄，方便好多。有咁多好處，舊嘢一定會淘汰。
2015-12-14 20:39:33
版主回應
可能森伯老土兼含蓄,覺得禮物比較講心思,至於現金好似講金唔講心~~而且畀金人哋,咩意思先?!!人哋冇錢?!!畀幾多先夠?!!...

雖然用電子支票,i利是好似好環保,但傳統的意義不能用電子能代替,就好似網上拜祭之類...
你看就算唔用支票利是,超市的包裝貨夠恐怖啦!!呢啲真係叫做慳細唔慳大~~~
2015-12-15 15:26:27
stellaluk
我都覺得時間太快了！小時候又嫌佢慢啵！
2015-12-15 00:38:32
版主回應
可能人大了,總係覺得時間太快!!小時就覺得慢,據專家講:係人的心跳率形成的...
2015-12-15 15:28:00
新聞台Blog小天使
親愛的台長︰
　　恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
2015-12-15 12:12:59
版主回應
謝謝新聞台的支持!!我會繼續寫好博文,希望你們仍多多支持森blog,稍後會到哈燒文章區看看~~
2015-12-15 15:29:09
Gael
上次去文具舖有冇郵票簿賣,原來好多都已經無賣!!
2015-12-15 14:23:57
版主回應
可能一間間文具舖, 我買記事簿呢間仲有郵票簿賣, 不過唔係傳統款式, 膠面似本小相簿多啲!!
2015-12-16 11:06:50
ykk
而家買文具多數幫襯無印良品了.

咁現在森兄咪成屋有成廿幾本Diary?
2015-12-15 15:41:20
版主回應
恕森伯伯孤陋寡聞...我仲以為無印良品係賣零食：P
我屋企一本Diary都冇,只是送畀人!!自己好少用記事簿......
2015-12-16 09:06:05
Ka Ka
今年過得特別快，我一諗到要買禮物俾人就頭痛架喇！真係非常非常熟的朋友，我會叫佢地一係折現，一係唔好送，但，總是沒有人聽我的話！哈哈哈…
2015-12-15 23:24:46
版主回應
唔知點解近呢幾年覺得很快過，真係一霎眼就一年...
屋企人多數講明要什麼才送，減低送到又唔鍾意的機會嘛～～
至於其他人就估吓佢地要乜，送一些比較大路的東西，應該較實用...
2015-12-16 09:22:44
MAN-MAN
正如你所說，時間真係過得好快，捉都捉唔住呀！
2015-12-16 16:21:56
版主回應
所以前人總教我們珍惜時間, 好老土咁講:時間一去不返~~~
2015-12-16 17:21:34
amour
我比較喜歡實體的書、用筆書寫文字！
2015-12-16 22:29:13
版主回應
實體書才是真正的一本書,網上睇書只有一堆文字...
2015-12-18 08:24:32
未上市陳先生
有筆記本很方便~
2015-12-22 10:46:58
版主回應
但現代人多依賴電子產品記事!!
2016-01-08 09:59:41
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2016-01-07 15:20:42
版主回應
衷心多謝新聞台的支持，會繼續在PChome寫我的網誌，希望您們仍繼續對森Blog的關注！

稍後會到圖片區看看！
2016-01-08 09:58:15
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文