24h購物| | PChome| 登入
2014-04-29 12:31:10| 人氣1,335| 回應17 | 上一篇 | 下一篇

Readers Digest

推薦 0 收藏 0 轉貼0 訂閱站台

發覺呢排都幾森力交瘁，好似一大把事情壓到頭頂來，先有風濕發作，而且功課要趕住做（仲要唔多識做嗰類…）～一病痛…工作方面就更有壓力！！晚晚都瞓唔好，有兩晚完全冇瞓＠＠所以都不禁要唱吓華健的金曲…最緊比較煩～比較煩～哈哈

所以現在都冇咩閒情時間，去好好睇一些書刊，不過現今都冇咩人肯花太多時間去睇書，或者正如大家所講，香港根本就係一個文化沙漠，閱讀的風氣不及台灣，起碼唔盛行廿四小時的書店，就算有都未必做得長！！

以前鍾意睇散文集，篇幅唔長唔短，睇起來既輕鬆又唔會太沉重～～可能公司一向有訂開讀者文摘，一有機會都會攞來睇睇，其實呢本刊物都有幾耐歷史，在Y-Blog我都講過呢本書刊，不過就唔太深入講，最主要就正如我所講，篇篇文章都唔會太長，少少篇幅又可知多啲啲！現代人離唔開健康主題，所以每期總有幾多的資料講下健康，雖然、或者…係老生常談的常識（對森伯嚟講！）但平時冇留意開的人睇到都會幾有用，始終講到健康個個人都應該知道…

而且裡面都有幾多插畫睇，參考吓人哋的插畫作風（不過就雜咗少少，摻雜太多唔同的風格）…

每期都有唔同的題目，總有一、兩篇你都想睇吓講乜東東…

仲有阿媽阿爸年代的徵文比賽…睇到一股徵稿的熱血又湧上森頭～～

其實小小一本書仔（在港的零售價都要$36，算幾貴），不過都算幾多嘢睇～以前的人通常都會帶些小書、小說在返工的車程中打發吓時間，所以很多書都細細本方便攜帶～點可以同而家的低頭族相比咁呢！有時諗下，當人人做低頭族的同時，你攞本讀者文摘出嚟睇，忽然個人的文化修養又提昇返，剩係呢個Image都值喇！簡直係文化沙漠中的小駱駝…XXXD

我要檢舉
#讀者文摘#歷史#資訊#趣味#文章#徵文比賽
台長： 森源

您可能對以下文章有興趣

人氣(1,335) | 回應(17)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
Gael
第時等我留意下如果搭火車時見有隻小駱駝在看讀者文摘的話,我諗九成就係森兄kakakakaka
2014-04-29 14:03:46
版主回應
唔會喇~~第一唔會無端端搭火車, 第二唔會帶書坐車睇, 第三唔會竊取公司的公物行出街……
我諗你在老人院, 公園仔撞到森伯反而易啲啲~~~哇咔咔咔XXXD
2014-04-29 16:55:57
BIM
睇書吸收知識之餘，又可攝獵不同繪圖刺激靈感都唔錯，對我嚟講仲可以學下生字或難寫嘅字。
但我只可以在港鐵睇書，其他交通工具我會昏
2014-04-29 15:29:18
版主回應
對!!呢本刊物有知識可以得到之餘, 仲有很多插圖, 有心理測驗仲有笑話（我覺得唔係咁好笑…）都算樣樣都有啲咁啦~~若果對生字特別字有興趣的話, 都幾適合~~
以前聽人講話行車時睇書會壞眼, 所以甚少在車上睇書…
2014-04-29 16:58:16
ykk
細細個都開始閱讀Reader Digest, 原因是有親人在這基構工作. 及後工作上, 都間接認識曾在這間公司工作過朋友! 話說回頭, 以前知訊不發達, 當時個人喜歡閱讀有關外國的新知識事物, 及幽默笑話. 可惜, 近十年都沒有再接觸這本書了.
2014-04-29 16:24:38
版主回應
當人人細個仲睇緊公仔書的同時, KK兄已經睇Reader Digest…相信KK兄小學時作文已經好好~~記得好細個時, 有親戚很喜歡訂閱讀者文摘, 間中都會收到它的宣傳單張, 不過始終自家冇訂閱, 或者當年的印象呢本刊物太多文字, 沒有圖畫來得吸引…
有機會不妨買本重拾童趣!!!
2014-04-29 17:08:43
熊仔
森仔..哩本書直頭停刊啦.. 我家姐就有睇.. 現在圖書館都有得睇呀
2014-04-29 16:36:21
版主回應
@@唔係呀??...咁離奇！！而家我手上有本2014年三月份……越講越有種幻海奇情feel~~
2014-04-30 09:28:47
吉蒂
記得小時候爸媽也有訂購, 但不是已結業嗎?
2014-04-29 16:53:58
版主回應
結業?? 唔知, 個個都話結業??!!不過我手上都有今年出的讀者文摘…
2014-04-30 09:29:06
搞一爺
我仲係好o靚仔時屋企人有訂喱本書，果陣時全部文章（包括笑話）都係英文翻譯過黎，風格特別，可以吸取外國知識都唔錯， 不過，我覺得自己文化水平低睇唔明又唔夠幽默感，依家都係上網睇野。
搭車好迫人喎！邊可以睇倒書架？
先生教喺車上睇書壞眼喎！！！不過，我係睇電視同咪書應付考試變做斯文四眼仔。
2014-04-29 17:07:20
版主回應
呢本讀者文摘睇落, 感覺都好有外國的翻譯味道, 可能很多文章都係來自外地, 至於笑話就未必關水平低或者唔夠幽默的問題, 只係文化唔同, 對港人來講未必會好好笑, 你知喇~~平時電視做的funny home video…港人睇就唔識笑, 外國人就笑到碌晒地, 就知咩係文化差異囉!!!
上到車又好少睇書多數望下窗景…
變做’’’斯文四眼仔…呢個朵, 響情場上簡直煞晒啦!!!!可能係好事~~XXD
2014-04-30 09:34:59
如心恕也
讀者文摘確然是許多人的精神食糧，書小內容豐富，尤其是每期的精選篇，好多時會看得熱血沸騰。
過往我都有訂閱，也間中購買了她們的產品，不過我發覺她推銷手法不怎樣好及質素已沒之前的好，一直訂開十多年的刊物由此而終，現在想想也有不少緬懷！
2014-04-29 17:33:14
版主回應
我多數睇佢的健康資訊或者少少散文, 又好少睇到熱血沸騰……哈哈~~不過也十分認同你所講, 小小書仔內容都幾豐富, 唔需要一次過睇晒, 有空閒的時間就可睇睇~不過現在很多人睇書睇雜誌的模式改變了, 從紙張到網上, 所以呢類較有質素的書也難以為繼, 也有可能為大眾的集體回憶~~不禁有少少唏噓!!!
2014-04-30 09:45:18
呀博
森兄
讀者文摘曾經 乙水 我好開心架 , 成曰話我中獎又收金鎖匙...哈哈
2014-04-29 17:46:47
版主回應
博兄: 通常都係空歡喜一場…雷聲雖然作到好大, 但雨點就細到甚至冇…XXXD
2014-04-30 09:46:22
Stella
小時候喜歡睇讀者文摘的幽默小品，但多年也沒有再看，文化水平低的我，感覺沈悶！
2014-04-29 23:57:43
版主回應
哈哈…其實對於港人來講~~這些幽默小品根本就未必會覺得真係好笑, 睇多一兩段,仲可能覺得悶爆添~~~
2014-04-30 09:49:35
ohtria
呢本書仔我只係揭過.
2014-04-30 05:30:55
版主回應
嚴格嚟講即係冇睇過??!!...
2014-04-30 09:49:52
玫瑰
我亞哥以前成日買呢本書，所以我都睇過，都幾多野睇嫁! 因為都幾貴，宜家冇買啦!
2014-04-30 12:15:36
版主回應
雖然書仔細細, 但內容篇幅都幾豐富, 現在的售價都唔平, 睇的人少了~又看看有否這樣的需要…
2014-04-30 16:32:00
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2014-04-30 17:24:00
版主回應
多謝pchome新聞台對森blog的支持~~
我會繼續努力拍攝多些好的相片放到這裡!!
2014-05-02 09:07:05
愚
真係好有文學修養，厲害。你的病好點沒有﹖多多保重。
2014-04-30 23:27:26
版主回應
如果講到睇呢本刊物就等如…好文學修養~就唔能夠咁講!!
不過呢個年代, 拿起本書坐車睇的人好少~~~
謝謝~~算是在康復中...
2014-05-02 09:09:22
man-man
咁你真係試下係人群中攞本書睇下，係咪可以引來眾人嘅目光？
2014-04-30 23:29:08
版主回應
我自己冇買呢本書, 嚴格來講呢本書係公司的公物……
而家的人低頭留意手機多, 相信唔會埋隔離同車的做乜??!!!
2014-05-02 09:12:54
(悄悄話)
2014-04-30 23:30:05
kammy
多d休息下,唔舒服就要睇醫生呀...見好d未呀..我反而少左睇呢類書,不過就多左上網睇書^^
2014-04-30 23:56:37
版主回應
多謝你關心,只要多些休息較快復元~~唔好話你而家好多人未必會睇呢類書,多數轉睇電子書~~
2014-05-03 11:20:06
繪畫樂園
講起讀者文摘又諗番起後生嗰陣真係幾鐘意睇喱本書，佢啲插圖素描畫真係好吸引我，不過衣家刋物太多，正係免費報紙都有好多份，所以違忘咗喱本書，我都有聽聞過話停刋，你竟然有今年既三月版真出奇！莫非你公司就係出版社。
2014-05-10 18:17:14
版主回應
可能細細本，內容又幾豐富，又可帶出街睇，相信當時會幾暢銷！不過現今世代變了，真正拿書上手睇的人唔多，要有時間慢慢睇書又唔多，所以也會被消費者漸漸淘汰…
係呀！我的確有2014三月版的讀者文摘喎～唔通做咗咁耐，先知公司原來有份出埋讀者文摘，咁離奇…XXD
2014-05-12 15:17:32
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文