「森」情小品文 ...

323愛的鼓勵 503訂閱站台

欣賞一幅畫都會唔同人有唔同的感覺，音樂也如此……

 

早兩篇的網誌都有提到“得閒鬆一鬆”鬆一鬆其實都有好多方法，聽音樂都係森伯其中一樣娛樂…以前去過一些日式公司，裡面就有一些天籟之音──大自然樂曲，有風聲、鳥鳴、蟲鳴（蟋蟀、蟬之類）風鈴聲、海浪聲…不過未有機會買，都係屬於一些淨化心靈系列！！這類CD都是給冥想人士或者用自然療法的人去聽！使心靈淨化從而達到健康袪病目的！！

不過我覺得要淨化心靈，都有好多CD可以選擇！純音樂都可以～在眾多的樂器裡，笛子我覺得最悅耳，而且感覺上跟大自然最相近～

 

可能自己個人比較沉悶呆滯（哈哈哈），所以咩大提琴，二胡這類低音深沉的樂器唔適合我，肯定會越聽越沉悶…

 

相中的笛子CD都買了多年，遇有心情低迷時，聽一聽清脆的笛子聲個人都可以醒回來！！當中有幾首樂曲自己好喜歡，都會放在MP3裡隨時隨地聽…喜相逢、帕米爾的春天、蔭中鳥、百鳥引、放風箏……反而最出名的“小放牛”就一般啦！！家中還有笛子演奏的梁祝協奏曲，都唔錯～～

 

就介紹一首“帕米爾的春天”畀大家聽下，若然你覺得笛子演奏悶的話，相信呢首又會較為輕快而清脆悅耳～～聽起來好似去到帕米爾高原一樣！！

http://www.youtube.com/watch?v=wKXP2RAc3M4

大家不妨冥想一下：在陣陣涼風的秋夜，聽著動人的笛子聲，心境會唔會覺得特別舒服咁呢！！