「森」情小品文 ...

323愛的鼓勵 505訂閱站台

今日是媽媽節，相信好多人都諗節目跟阿媽去慶祝，森老媽反而重視生日多過母親節，或者母親節是商家們，借意大肆搞些節日剌激下消費咁啦！

就今日應下景講下森媽媽！相信每位家中的阿媽，都會起仔女的印象中都有樣拿手的“看家本領”而我覺得森媽最拿手也算煮得幾味，記得以前屋企間中都會有一大班親朋戚友來食飯，人雖然多，但森媽仍能煮到一碟又一碟的好送出來，而且個個都食到有讚有賞咁！！而森媽最經典的撚手小菜就係，無錫骨，自打蝦丸，蝦膠釀麵包等......但在於我來講，森媽整得最好食就係餃子啦！！看上去雖然感覺清清淡淡，呢樣就是最考餡料的調味，街以外的餃子總覺得味道過鹹，但森媽整的就岩岩好，我最高紀錄可以食廿隻到啦！！但現在就少點機會食了，不過森媽有靚心情，人又齊，都會煮來食～～