上星期reading week, 諗住成個禮拜冇野做, 點知接到份job要去機場接機, 都好, 可以消磨下D時間
第一日接周杰倫隊crew, 梁總(佢經理人)同一隊男權媽媽既樂隊, 出乎意料多人, 中間仲要走失左件. Shit......... 我D普通話真係好普通, 阿漢(似乎係保姆之類既人)同我講左好耐先明原來miss左個人, 要我上去揾, 好彩最後都搵番姐.跟住一大班人去酒店, 上去座低飲飲食食(杯啡好難飲), 跟住就收工
第二日要接周媽媽, 婆婆同另外一個親戚, 今次本來得我一個接, 好彩小鈺肯幫手, 佢既普通話又唔似得我咁有限公司, 所以就揾佢幫手. 約左十二點左右係機場等, 我地去整個老麥醫下肚先, 食野途中不斷有人打比我問:'周媽媽到左未呀?杰倫好緊張呀.....' 好煩.....
搞到我連頭頂個board都唔識睇, Landed? Arrival?? Gate??? 係邊呀???
最搞野每次打黎都有個三個女人既一個特徵 "佢地係三個中年至老年既女人"佢地係三個矮既女人" " 佢地係三個短頭髮既女人"
大哥, 咁既資料俾尋人密探組都唔識揾番佢地出黎la......
之後, 我地都係死死氣舉住個牌金精火眼咁望住出黎人, 個錶滴答滴答咁轉,個心撲通撲通咁跳, 成半個鐘都未見人, 終於, 有一個貌似阿毛既矮師奶行出黎, 佢凝視住我張紙, 跟住抬高頭與我眼神交流了一下, 我心想: '是你了!', 正當以為久露逢甘旱之際, 佢一開聲就'乃'野, 講廣州話(即廣東話), 即時表演變臉, 面黑, 超了一聲就番去舉牌.
最後主角終於出場, 葉惠美果真有型, 一頂漁夫帽襯一頭銀狐髮絲, 白色的櫬衣配以一口溫柔得很的台北口音, 令我也有衝動叫她一聲媽媽, 送埋盒靜心過佢.
之後我既責任就後扮啞, 其他溝通既野留番比小鈺, 見佢成程車都好enjoy, 成個導游咁, 把口哄得周媽媽好不開心, 似乎蔡依林地位要動搖了, hoho, 加油呀!小鈺!
新抱仔在望!
到左酒店, 小鈺仲要同周媽媽影張合照, 真有母女相(見圖), hehe....
臨走時, 我終於忍唔住講左句普通話: "鵝掹D Mission Complete, Dry賤", 唔錯...
第三日, 一個人去接梁總太太機, 冇小鈺幫手, 諗住大鑊, 點同佢溝通, 點知原來佢識D廣州話, 好過我國語百倍. 之後就將班闊太團送去酒店, 車上佢地有講有笑, 仲玩偷拍, 不過梁總太太份人都幾nice^^
今天要去送他們機了................
文章定位：
