蘋果日報 2004-03-07
任葆琳（Pauline）與名模李嘉慧因先後與胡驊拍拖，而不咬弦。前晚兩人在灣仔同場行騷，Pauline拖最近剛復合的男友胡驊示威，男方又力撐她非第三者，更表示與李嘉慧分手後不再是朋友，拒打招呼和合照，Pauline則全程發出勝利者笑聲。
任葆琳、李嘉慧、曹敏莉、蒙嘉慧及Rosemary等前晚在灣仔為保良局餐舞會行騷。Pauline與李嘉慧早有前隙，因二人先後與胡驊拍拖，其間Pauline被指為第三者，去年底兩人在卡拉OK碰頭，有人更向李嘉慧潑水。
見面拒絕打招呼
日前本報拍得Pauline與胡驊行街時親吻，揭發他們舊情復熾。前晚她邀胡驊結伴亮相，二人仍死撐只是「好朋友」關係。Pauline被問到可知李嘉慧同場演出，她即笑得開懷，故意作態說：「係咩？我唔知喎，咁我應承左人行騷，點都唔會甩底，我唔覺得尷尬喎！」而身旁的胡驊則似早有準備，一提李嘉慧，即話：「我地分左手，就唔係朋友啦！每個人既性格唔同，我welcome大家寫我同Pauline既報道，不過唔好拉埋李小姐，我地之後無聯絡，無見過，見到面都唔會打招呼，無咁既必要。」
胡驊續說：「成日有報道話Pauline係第三者，我要澄清，事實上，我同李小姐係九九年六月分手，二○○○年四月先同Psuline拍拖，事隔成年，話佢係第三者，好唔公平。」記者提議三人合照，胡驊即時拒絕。
出入由公關開路
對於李嘉慧早前到廉署助查有關廣興造市案，胡驊淡然說：「有睇報道，無感覺，唔關我事！」而前晚Pauline和李嘉慧在謝幕大合照時，中間更刻意隔住Ana R.。李嘉慧更全晚表現避忌，出入廁所亦要由公關開路，拒絕接受訪問。
文章定位：
