星島日報 2003-06-08
世界盃分組賽事一日三場進行得如火如荼，球迷無分男女。不過最大分別，應該是男士睇好波，女士則因為睇靚仔球星。
日前連卡佛時裝展上，請來多位名模行Catwalk。談到世界盃，各人均表現興奮。問到陳嘉容Eunis最愛哪一隊球隊，她想也沒有便說﹕「我鍾意日本和英格蘭，因為有碧咸﹗他真的很靚仔，我真的很想見一見他。」英格蘭有個靚仔碧咸，而日本則有個帥哥中田英壽，這個中田哥哥總有一股攝人魅力，除了陳嘉容外，連MaggieQ也曾一度迷倒。
另一位靚女周汶錡則捧德國場，亦是因為高大靚仔的關係。至於球星，當然是選碧咸，但身為中國人，對於日本和韓國隊亦十分支持。Kathy說﹕「Alex都好鍾意睇波，現在他在香港拍緊雪碧廣告，一得閒都會睇波。其實現在很多女仔都睇波，若果唔睇波，同朋友就沒有話題了。」
至於歐陽妙芝則不喜歡睇世界盃，她還笑言對於似球的活動皆不感興趣。不過，她於一年半前認識了意大利球星（馬典尼）的太太和他的兒子，希望有時間去米蘭探訪他們。
而李嘉慧和陳嘉蓉一樣喜歡看靚球星碧咸，因為每次看有關英格蘭的足球消息，都是講碧咸的。不過昨日她也沒有甚麼心情講波，因為她在工作時，放在儲物房中的錢包被人偷了三千元。
文章定位：
