太陽報 2003-06-01
李嘉慧（Sofie）昨日為九龍灣一個婚紗Show擔任模特兒，她表示由於不少品牌將推出2003年秋冬服飾，稍後的工作量會逐漸增加。Sofie還透露早前給扒手偷去銀包，她無奈地說：「唔知係咪因為經濟差，我早兩日行街時拎住個手袋，咁冇拉拉鏈，行唔夠五分鐘，發現手袋入面個銀包俾人扒左喇！（唔見左幾多錢？）千零蚊，但錢唔係最重要，最慘係要補領番Ｄ證件同所有卡，我已經即刻Cut晒Ｄ信用卡，等皷人冇辦法盜用。（有冇唔見乜值得紀念既野？）裏面有張全家福，係細佬畢業時影既！（男友有冇送一個新銀包畀你？）佢想買但仲未揀到，遲Ｄ可能會一齊去揀，所以個新銀包會有紀念價值。」
行天橋注意舞台安全
Sofie亦有留意林子祥前晚在舞台上跌傷，問她行騷時有否特別注意舞台安全，她說：「如果行有斜坡既台或者有樓梯就要特別小心，行得慢少少，尤其係著婚紗或者長裙，好易踩到裙腳。我試過有次著婚紗行返入後台時跌落樓梯。其實我都有買保險，有時個客都會幫我地買，之前有個台有一、兩層係升高既，我知個客有幫班Model買重保險。」
文章定位：
