上星期公司去旅行, 今次既目的地係馬來西亞的其中一個島-浮羅交怡。
第一天我們乘9點鍾機到Kuala Lumpur ,再乘1 點機到浮羅交怡。到達都差不多下午3點半。我們到當地出名的Sheraton Langawi酒店 settle down, 酒店很漂亮,是resort來的,果然是5星級。夜晚和全公司的人食飯, (本來說只有第二晚和公司人食飯,但後來又說連續三晚都要,雖然不是很想看到老細,但算吧,反正不要我們付錢。)
當晚吃的全是seafood,全部都很好味,飲了很多酒,第一晚我們已經玩到很high了,但我地都去了一趟Kuar Town, 係個度買左2枝red wine,唸住夜晚又pat過,然後我地4個每人買左一條巾,都只係RM15(即HKD大約30元)…真的害怕第二天一早起不了床…..
第二天一早7點多起床,便起行坐快艇 (都坐了一粒鍾) , 到了 Langawi的一個島玩浮潛,那裏的水清得很, 我們都是第一次玩, 所以大家都唔識那個潛水鏡怎用! 用了好一陣子才掌握到竅門!跟着我們跟教練潛到更遠的地方, 果然越深就看到更多魚, 那些魚的顏色很鮮艷!還有很多海膽很大隻, 再看真些有一條超大石斑在看着我們!使我們很害怕,它好像想衝上來!嚇得我們即走! 潛到1點多,便坐快艇出第二個島釣魚。我們同行一共 12人, 釣了10多條大魚, cherry都釣左3條, 不過我一條都冇釣到, 不過算啦, 反正有得食,hehhe, 之後我們lunch食海鮮BBQ, 當然包括我們釣的大魚啦, 全部都好鮮甜架!跟住我同SIMMY,CHERRY同AMEN見仲有時間, 就去左酒店附近的UNDERWATER WORLD度睇下有無野買,不過都無乜野買, 跟住就趕住返返酒店同公司的人食BUFFET(又係SEAFOOD) 個場地都幾大同幾靚, 呢晚先係戲肉,成班人玩都癲0西!!我地個個都要上台唱歌跳舞, 我地4條友唱完TWINS, 又唱火熱動感LALALA, 天氣先生要我地攞第一喎,唯有落力D啦! 好在WILD TAN肯客串跳辣身舞! 仲要用貼紙貼住3點除衫!笑死人!!不過成晚最恐怖係阿J追住我地成班女仔攬,變態架!! 好在我地走得快!!!勁恐怖!LILY仲成個姣婆咁,同阿J又攬又抱!癲架…我地D女仔全部四散。最後真係比我地4個女仔WIN左第一, 因為要再上台, 所以我們之前已夾定同阿J遠距離握手然後即刻衝落台,點知我地4個比佢捉住左!! 之後因為全部人上0西台影相,我地先避到….果晚完左我地好嬲,阿tan就約我地去佢個friend阿角個露天restaurent度傾計同飲酒..仲有佢個姪,勁搞笑。原來d馬拉人乜話都識講,佢地好鍾意夾雜日文,中文,泰文,英文同馬拉文講野,搞到我地好多時都聽唔到究竟佢地講緊咩話, 好得意! 我地飲到2點幾就走。驚第二朝起唔到身..
第三日我地8點起身,首先去左搭個度好出名既CABLE CAR, 其實係纜車,可以看到成個 Langawi, 間車唔知做乜勁快, 都未試過來咁快既纜車, 嚇到我地尖叫, 坐我隔離個馬拉阿婆本來唔驚,點知比我地嚇到勁攬住我。跟住我地又去公主墳再去多轉kuar食lunch, 我同fiona都食左個蝦noodle, d noodle係用蝦整成一條條,都好好味。之後我地去左個無野行既langawi fair, 之後就要趕去同老細佢地出海伐艇, 我就同cherry 一架, 好在我之前成日都有玩過,所以我地架船控制得好好。而gloria同lily 一架, 佢地打0西交, gloria又鬧lily,勁搞笑! 我地見到佢地勁驚即避。Simmy又唔識伐,搞到amen 勁tired,要自己一個伐.。simmy 就un un腳坐係教練間船度煲煙…hahhah! 我地去度個度見到勁多monkey係d樹度爬來爬去! 有一隻仲突然跳落我地架船到,嚇到我地成班女仔仆0西係度大嗌! 之後我地去左個蝙蝠洞,個度勁黑勁多蝙蝠 (我唸有至少有幾百隻!), 我地好快咁伐走左架艇,幾驚佢地飛僕埋黎。之後我地回程時架船唔知做乜冇油, 個陣個天已經好黑(差唔多8點幾), 我地要滯留係個水度等人救,勁慘。好彩最後佢地架男仔船過來救我地走…夜晚係個度食埋dinner (又係seafood) then返到hotel拎左2件衫, 我地就去左做SPA, 都幾舒服, 我同AMEN一間房。SPA內容係首先磨砂,跟住浸玫瑰浴, 然後推拿。2個鍾後 (晚上12點半左右) , TAN同LO SAN已經企係門口度接我地走, 我地話肚餓跟住佢地帶左我地去食野。傾傾下又傾到3點幾, 個LO SAN勁搞笑. 我地覺得佢同TAN SAN好似, 唔知係咪D馬拉人都係咁既樣,連講野神情都係差唔多。無啦啦食食下有個DIN 婆(係外國人)走來我地張枱度發癲, 我地勁忍住笑, 等佢癲完就走左….
最後一天用左12個鍾搭飛機,想死..班機又DELAY,搞到我地係KUALA LUMPUR等左4粒幾鍾.
呢個TRIP真係好好玩, 最可惜係去唔到VINCCI買鞋, 我地玩到勁唔想走。希望下次有機會到MALAYSIA,我要去KUALA LUMPUR同檳城, 應該都會好好玩。
文章定位：
