各位好友
今日我收到個好消息！
香港藝術發展局今年有個計劃，旨在搵下十位年紀唔過三十既年輕導演拍十條短片...
而我，就係咁啱被選中拍片果位！
請各位唔好問將會拍乜，因為我其實對藝發局呢個計劃所知不多，因此故事都未諗過！
我唯一知道同呢個計劃有關既野，就係條片拍完後，聽講會喺零七年既香港國際電影節放映...
由於收到風返黎，藝發局既資助金額有限，因此我而家打算向各位，推出一個"金鑽資助計劃"！！！
”金鑽資助計劃”旨在鼓勵各位友好，以真金白銀出力支持本地有潛質藝術家，等佢地喺唔夠財力之下，都得已完成有如梵高百萬畫作既驚世珍品！
資助方式可分幾方面：
假若各界友好只係到場"萬歲"既話，咁我對你既感謝就"在心中"！
假若閣下贊助真金百銀一千港元，咁你個名會出現喺片尾"鳴謝"一欄，以示感謝！
假若閣下贊助我一萬，咁就犀利啦，你將會成為"金鑽資助人"，我對你既感謝將會放到成個綠茶贊助商廣告咁大，仲會喺片尾出現至少五大秒！
假若閣下唔想出自己名，以公司名義贊助亦得！
至於借景借屋借車唔收錢既話，一樣得到”金鑽贊助人”呢個名號！
各位！請出錢支持下啦！
你既支持，將成就一套勁片誕生！
故事內容預告:
1. 可能係講一個三十五歲母親, 與廿歲兒子及廿五歲後父間，三人關係的倫理故事
2. 亦可能係三個唔同背景既廿歲女人講20, 30, 40女人大肚既故事
3. 亦可能係60歲男人通靈, 迷信, 到自殘既故事
基本上... 我未諗好個故事，當然，題材一定有，只係...唔知邊個拍攝方案可行ｄ咁解
得閒講下故仔你地聽，睇下你覺得邊個故仔動聽ｄ？
文章定位：
