唔准同任何15歲以上30歲以下無血緣關係ge女性單獨外出超過30分鐘或者傾多過15分鐘電話。
我搣你咬你打你,你都唔准縮,痛的話你要扮唔痛,唔痛要扮到好痛。
我知道我唔會同溫柔扯得上任何關係,但係都唔可以指名道性話我粗魯。
永遠都唔可以用認真ge表情同我講我好蠢,我只係會同你一齊ge時候先至會變得智商不正常。
我唔會check你既來電顯示,但係你最好唔好俾我知道有不明來歷ge女人打俾你。
你個電話裡面只可以有兩個女人ge獨照相:你媽媽同我,除非你想幫人影車頭相。
我明白每個人都有過去,你會有舊情人ge相呀信呀禮物呀,但係唔好o係我面前飄過,有咩恐怖襲擊事件唔好怪我。
每日起碼要打一次電話俾我,因為我會掛念你。可以的話就最好日日都morning call我。
你要俾我知你去左邊,我唔係要check你行蹤,我只係想知你究竟死左去邊,就係咁簡單。
我地未必可以一生一世,但希望你同我一齊ge時候,每一刻都係對我認真。
你心裡面諗緊D咩,一定要同我講,唔好玩暗示,因為女人鐘意亂諗野,諗錯隔離唔好賴我。
我鍾意男朋友買食得同玩得ge野俾我,但你唔好買出奇蛋俾我。我殺左你。
我希望你會記得一切ge大時大節,包括我生日同所有紀念日,我唔會下下提住你,但你亦最好唔好扮失憶。
唔准對我講大話,講左就唔好俾我踼爆你,否則後果自負。
無論係咩時候,都唔准一腳踏兩船 ,一係有本事的話你就玩一腳踏三四五六七船。
約我出街的話就唔該係地鐵站某特定出口等,因為離開地鐵站我就會蕩失路。
出街一定要拖實我,因為我真係會蕩失路。
唔好問我今晚想食咩,最好就諗定幾個提議俾我選擇。
如果我遲到,你可以話我幾句,但係唔好俾面色我睇。
你最好唔好有一堆女性朋友同契妹之類既不明物係身邊,否則我會大你三十萬用行動證明俾你睇我都有一籮男性朋友同契哥加Uncle。
我唔會係一個一粒粗口都唔講ge淑女,因為淑女已經絕左種,除非你搵過個啞ge。
食飯時第一著夾既食物記得要係夾俾我。
收花ge次數.我永遠都唔會嫌多。
我唔會問你我靚唔靚 (因為我知道我唔靚),你最好諗定第二樣野黎讚我。
我知道你冇可能每秒鐘都掛住我,但係如果你全日都冇諗起過我,我會好驚。
如果你著到成個板仔或者MK Look咁同我出街,我會面青。
如果你有朝一日你郁手打我,我會先狠狠地還拖然後喊住扮哂可憐咁報警。
記得要多D同我既父母溝通下,因為係你令到我地溝通少左。
你可以等我Shopping完先出黎陪我睇戲食飯,但係你唔好又要企係我隔離又要黑面。
我好樂意同你行你鍾意ge舖頭,你唔需要怕我悶,我會自得其樂。而且舖頭裡面分分鐘會有靚仔。
我唔介意你望靚女,介意ge係有筍野睇你都唔預我。
如果你見到我望住本《飲食男女》兩眼發光,你可以留意下係邊間餐廳令我發青光,唔太貴ge就帶我去食下。
我鍾意食魚蛋河,但係如果大時大節你同我去食魚蛋河,我會發火。
我喊既時候,你一定要"乙水"番’我,因為我只會o係好傷心好傷心既時候先喊。
你要打機就留番係屋企打,如果叫左我上黎你屋企,咁你就唔可以掛住打機唔理我。
一定要打的話就請你預埋我雙打,不過我一定要做贏果個。
你最好有一首只係屬於我既電話鈴聲。
如果你冇開口講,我都為你去改變,代表我真心鍾意你,請你珍惜我。
我好樂意為你整野食,但你最好自行買定瀉藥備用。
你需要比我更清楚我所有電子產品ge操作。
當你睇波既時候,我會問你「咩係12碼」等低B問題,你唔好嫌我煩,因為我真係有興趣,但從來冇人教過我。
我會希望你將我介紹俾你既朋友識。
其實你可以有自已ge社交活動,你即管出去玩,唔好以為我係你塊貼身膏藥。同樣道理,我亦都唔需要你無聊ge時候就貼住我。
你唔需要係有錢仔,但係要有上進心。
你一定要有自己既理想。
我鐘意睇日出,但更鐘意訓覺。
我有寫blog既習慣,你最好就遞例每週睇一次。
你要做我ge人肉地圖,唔識路就唔該你虛心D問下路,唔好拖住我亂咁行。
我M之前一個星期會情緒暴躁,你自已要小心D。
你可以發脾氣,但唔可以cut我線。我有陰影。
絕對唔可以check我既 ICQ 、MSN同 SMS。
我同你講野既時候有可能係嗲聲嗲氣,亦都可能係粗聲粗氣,你該慶幸自已有個百變女朋友。
我好有興趣知你既戀愛史,最好由頭到尾同我講一次,但情慾位可以略過。
如果有一日,我地分左手,我都希望可以繼續做朋友,除非我唔想。
我最憎人唔信我。
我更憎人老屈我。
如果你愛我,你唔會捨得要我傷心。
男朋友既功用係對女朋友好,女朋友既功用係對男朋友好。
好多事因為我懶所以就扮唔識搵你幫我做,你唔可以踢爆我。
我希望你間唔中都會俾比D小驚喜我,係「小驚喜」,唔係「大驚嚇」。
你應承過我ge野,就一定要去做。
我應承過你ge野,你提多我幾次,我就會去做。
我可以打唔通俾你,但係我接受唔到留言同SMS都無人覆我。
每次出街請你自備大量雜銀俾我去掃街。
如果你講完個笑話,見我個樣冇乜表情,唔係我"婢"視緊你,而係我真係唔知個笑位係邊。
如果有人追你,記得同我講,我會自行重新評估一下你ge市場需求。需要的話我會自我增值一下。
好遺憾我冇機會細細個就識得你,所以宜家請你俾多D時間我,俾機會我去了解一下你。
我既工作或者比唔上你既重要,但我都希望你會尊重我既工作。
你唔開心既時候我會靜靜行開俾時間空間你冷靜,但唔好借酒消愁,更唔好酒後糊塗。
我知你對我用咩化妝品護膚品冇興趣,正如我對你ge球賽賠率都一樣無興趣。
你要記得間中同我講「 I love you」,否則我會以為你唔再愛我。
我地要開一次會，睇下你對呢d 戒條有冇異議。
條文內如果有唔清楚既地方，以我既說話為依歸。
文章定位：
