24h購物| | PChome| 登入
2003-02-17 23:38:38| 人氣42| 回應0 | 上一篇 | 下一篇

泰國之旅 7-Feb'03

推薦 0 收藏 0 轉貼0 訂閱站台

~第八日~

今日又係訓到11:00AM先起身, 之後我地仲落左樓下個細細泳池游水添. (今日開始轉涼, 仲好大風). 之後2:00PM出門口去左KFC食家鄉雞 (聽講泰國係用生雞, 唔係用雪藏雞架)...又真係幾好味!

食完雞(尋日果餐都未消化...飽)就準備搭車去搵我爺爺探下佢 (註: 我爺爺係泰國出世, 後生果陣返左大陸再去香港生活, 依家因為信左佛, 就搬左去泰國管理註泰國既佛堂).

雖然有當地人嘉麗媽媽帶我地去, 但係我地都迷晒路, 不過最尾都搵到(真係一額汗)... 佢見到我仲不知幾開心, 佢好熱情咁招呼我地...攪到嘉麗同佢媽媽鬼咁唔好意思. 之後仲帶我地去左附近新開既CENTRAL商場行街...不過我地就行得唔係好自在, 因為爺爺係我地後面慢慢慢慢行咁跟住我地, 所以最尾都無買到野.

本來我地三個已經飽到頂上心口, 但係我阿爺仲叫我地去食PIZZA... >_<" 叫到無理由唔去架麻....飽飽飽飽飽.... 食完野都差唔多成5:30PM, 我地就走喇~ (雖然無左半日, 但係見到阿爺咁開心都值得既, 仲讚我乖添~)

離開左阿爺之後6:30PM就搭巴士返去SIAM區既MBK商場買<林真香>手信, 點知8:00PM先到站~(泰國真係好塞車, 大家去旅行真係要睇住放學放工既時間....小心)...買完手信之後就返屋企執行李...

10:30PM嘉麗爸爸放工入屋, 大家當然又係去食宵夜啦~ (又食啦, 真係想唔肥都難呀!) 今次就去左食咖哩炒蟹&活蝦刺生...食完返屋企又繼續執行李(爆喼呀)... 聽日就係最尾一日啦~

我要檢舉
台長： 愛吃咖哩的mm
人氣(42) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文