24h購物| | PChome| 登入
2006-07-02 20:54:07| 人氣138| 回應1 | 上一篇 | 下一篇

七一有感

推薦 0 收藏 0 轉貼0 訂閱站台

尋日係第四年o既七一遊行, 今年主角又係陳方安生, 不過上年就係鬼祟出場, 今年就擺明姿態做show。

講真, 我好唔喜歡陳太。當佢仲係政務司司長o既時候, 令我最印象深刻就係搬新機場o個時安排混亂, 佢要負最大責任。在任咁多年根本冇明顯o既政績, 就係因為英國人話佢係香港良心, 因為佢同董伯伯不咬弦, 竟然可以令佢成為香港民主o既明燈, 真係講出o黎都唔好意思啦。

泛民遊行之前, 仲有工聯會搞回歸巡遊, 聽聞兩邊人數差唔多。不過我眼見到好多都係公公婆婆, 大熱天時咁行法, 係唔係俾人利用都好, 都真係辛苦左佢地。最好笑就係巡遊隊伍行到怡和街o既時候, 另一邊記利佐治街就有又係好乞人憎o既劉山青o係度用大聲公鬧人, 鬧人地巡遊係粉飾太平, 係虛偽o既行為。聽左真係覺得好好笑, 香港所謂o既民主運動咁多年都係同一個樣, 一d進步都冇。反對民主派o既行為, 就係反民主, 又唔諗下邊有民主運動咁野蠻, 一定要個個都支持你ga!? 自己係一言堂, 仲夠膽出o黎話為香港爭取民主, 都痴痴地線。

再行過d去到維園, 一入去已經見到泛民唔同黨派o既人o係度鬥大聲, 叫人買t-shirt, 捐錢等等, 感覺就好似爭生意咁。再望下個橫額"人間民權陣線主辦, 民主黨全力支持", 唔理有心定無意, 出風頭o既意味已經出o左o黎。

香港民主就係靠呢班人!? 都咪話唔驚。其實起初覺得新搞o既公民黨好似好專業, 好有sense咁。但余女神o係中環派黨報都要戴住膠手套, 驚死d報紙整污糟隻手。黨內開會叫外賣都要食庸記, 呢d高檔民主, 真係好似唔關我呢d小市民事咁。

講左咁多, 可能會有人話我保皇, 但我想澄清一下, 我都想有普選。但係請睇下香港o既政治環境, 都冇機制栽培政治人才, 現有o既政治明星就得把口, 從來都冇實際表現, 甚至連一篇可以稍稍振奮人心o既政治演說都冇出現過, 叫人點選呀!? 仲有喎, 中央係有權更換特首, 只要佢覺得特首冇辦法理行職務(即係任佢講)。到頭來選左邊個, 阿爺唔like都冇得做。

所以北京個政治生態一日唔改變, 香港根本就冇可能有民主普選, 而香港o既民主派又一定唔夠上面o個班領導玩o既, 而家經濟又好左咁多, 香港人又俾英國人訓練到咁有奴性, 民主運動邊有得玩ga, 所以下次七一, 應該去北京遊行。

我要檢舉
台長： 機師
人氣(138) | 回應(1)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然) | 個人分類: 廢人廢語 |
此分類下一篇:雨過天晴
此分類上一篇:乾塘

我要回應
貓琪‧玩具
我阿媽都出o左去嘉年華．．．．
2006-07-03 08:55:35
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文