噚晚收到瑤瑤既 msg ，話理佬出黎食宵，叫埋文佬一齊...當時好驚訝~不嬲同理佬冇咩來往...何解突然話食宵?!本來都唔太想出，但後來傑等人話去，就當係文佬聚會，多埋班理佬坐隔離~
一行成廿幾人去左喜記，主力劈酒，哩舖真係飛羽觴...大啤一支支咁黎，飲左幾多都已經唔知...雖然咁左唔少"食送"，但加埋條數都少過 d 酒錢...crazy...班佬飲酒飲大左，搞出個大頭佛，酒後亂性呀...唔飲得就唔好飲啦...
文理各自癲完就分兩路，大部份理佬去網吧，文佬同部份理佬就去康寧波地吹水...到而家我都唔多明點解文理佬要一齊食宵...吹冇耐，不文人想先行離去，結果搞到全部人都離去...番屋企搞埋 d 惱人事就訓~
劈完酒果晚都幾好訓，就住咁飲，第二朝都唔會頭痛，good~
致賊：噚晚 d 酒已經好易入口...
補：唔知點解飲左酒之後，通常都唔想出聲、唔想講野...想真係吹下水都係少飲為妙...
又：老暗真係起火，講真...俾著係我，早就發火啦~!!
另：下次去食糖水好d~
文章定位：
