且說 5 月 28 日謝師宴
籌委很有心，亦搞得好成功
不文人非常感謝佢地
過左謝師宴
感到人生係充滿好多好多「耳慳」
之不過冇「耳慳」既人生就有點兒太過乾淨...
近日細佬又諗住換個大缸
不文人係入學堂前想多 d 同佢周圍蕩下
就同佢一齊去魚缸搵下 d 換缸必需品
誠如上幾個日記
男人將心神投放落一種興趣入面
真係幾入迷~
佢同幾個魚具品老闆講既野
我係完全徹底地聽唔明
後來聽細佬解釋
又聽佢講番佢點 DIY 好多野
先知原來大有學問
天下間既學問真係太多
唔通明道之後
就識得點樣利用濾材推水過水冷入殺菌燈出潛水泵咩？
太妙~
好多野都好妙~
玄之又玄
當我地追求本既時候
係咪就可以放棄末呢？
既然大道衍生出萬物
我地知道「道」作為萬物之本
知道佢係「眾妙之門」
就應根據哩個「眾妙之門」去理解一切既學問
而唔係單單話自己體驗到「道」就算
跟住就作為籍口咩都唔理唔學
如果係咁，明明道，先係正明道
明道而復無明，先係得道...
天道無常
我仲欠 v 領內衣、「un-un」、數字鎖、扣針、鞋刷同白運動襪...
文章定位：
