《齊諧‧貴賤》 犧牲，從沒有值不值得，只有願不願意。 決心成為中國語文水平最高既雜差，強呀~!!

126愛的鼓勵 0訂閱站台

Supply Truck 補給卡車：Keep The Money Flowing~








踏入 2 月 1 日先黎講句 condi 生日快樂先~




是日番「芒果」做野，大當家「艾雲詩」同二當家「仙迪」都派利是，多謝~多謝~!!為左報答佢地咁鍚我地班 parttime ，我決定視「芒果」為第一 parttime，日後如果其他 parttime ，亦會以「芒果」為先~

是日同老蕭、金大鰭以及冇血緣關係既表妹一齊做我最撚手既紙盒包裝，不過 d 功夫都係做得一半...看來要繼續努力...

艾雲詩等當家午後相繼離開，得番我地班 parttime 嚮「芒果」度做野，咁緊係會作反啦~!!都只係大聲 d 吹水o者~ ^o^ 當表妹哩個女仔冇到，乜都講一餐，難得大伙兒都互相了解，又好玩得、好有器量，所以唔會話講講下就嬲~大家意猶未盡，六點半放工後再出去食 kfc ~




傾過屋村仔與其他社會背景、家庭背景不同既人相處果種無奈...哩 d 都係由於生活環境不同以及經歷不同所導致的~

是的~



我地只係「屋村仔」~


母親大人話慈雲山吉之島收皮，今日 (31/1) 係最後一日，點都要去緬懷一下...順便睇下有咩野買~同老蕭、大鰭食完飯就嚮荷里活逛左陣，跟住老蕭番屋企，大鰭住老慈，就陪我坐小巴去慈雲山中心~嚮慈雲山中心下車後，不文人再嚮果陣吽左九個字，母親大人先由秀記趕到...唔打緊啦~最緊要佢老人家高興~


好多野都賤價發售，不過已經有六成野俾人掃左，剩番既，都係 d 籮底橙，不過嚮超巿入面都搵到 d 小東西買下既~之後上多一層，不文人買左個銀包同腰包，兩樣野都係半價，賤~!!好在大半個月前黎過果時冇買到，唔係就真係...呵呵呵~有新野用~!!母親大人都到個靚靚手袋，我諗 d 大姐見到果個手袋都會喜歡的~ $ 198 亦都係好抵買~



一早細佬就想買個銀包俾我，我覺得唔值，叫佢唔好買...
唔買唔買...
最後又落嚮我手...
冥冥之中似乎...

係你既始終都係你既，點都阻唔住...
唔係你既始終都唔係你，你做咩都冇法擁有佢~






一間大型既商店收皮，「吉之島」變「執之島」...空空如也既貨架...令人感到有點兒那個...







樹倒...猢猻散...







補：今日番到屋企，見到條「飛機」斷槓...

話說哩條魚仔係新年前買 d ，細佬幾怕佢嚮新年果陣玩完，咁就真係大吉利是...
由於海魚難開口食野，對水質又有一定要求，所以買番黎既魚都係博佢養得落，擔心都係正常既...或者買黎之前，間死人魚檔用靚糧餵條魚，搞到佢初黎報到果陣死都唔食乾糧，不過唔緊要，餓佢兩日，佢乜都肯食啦~肯食野都幾本上養得到，可喜可賀~~

不過呢~
首批魚出身既絲絨越黎越大條，而家倚仗係老臣子，又得細佬寵愛，周圍蝦蝦霸霸喇~火鳥己經俾佢俾到冇啖好食...今日仲威，話說飛機食緊野果陣俾佢偷襲，長長既一對胸鰭俾佢咬左一邊既一大半，而家變成長短槓...希望佢快 d 好番啦~!