—向陽 李敏勇 曾貴海的真面目—
鄭福田基金會民間私人欲提供資源鼓勵寫台語詩，本正是對台灣真好的奉獻。但是受託的召集人李敏勇安排非專業的台語詩創作者，包括伊本人佮曾貴海、以及已經對台語詩失去熱情的向陽來擔任評審，這是一種吃過界、對台語文學僭越專斷的霸權行為。是啥物精神狀態，予怹袂記得家己是啥物人？家己的分寸敢守有牢？
這三個評審佇北京語主導下的台灣文壇，一路行來的精神立場，敢無需要替怹節脈診斷看病灶到底佇佗位？
有關向陽：
中華民國六十八年三月三十一日向陽寫歌頌蔣介石北伐六十五行長詩「大進擊」，七十三年四月四日，該詩收入由中華民國新詩學會編輯恭印發行的「永遠的懷念」先 總統蔣公逝世九週年紀念詩歌專輯，時間點佮伊領國民黨主導的「國家文藝獎」，有真接近的關係《陽光小集》13期「政治詩專輯」發生難產，延至1984年6月才出刊，旋即因內部意見衝突，〈陽光短打〉裡，批評了幾個重要文學獎頒發的情形說：「有的固然實至名歸，有的則靠良好的人際關係和有力團體的推薦。」剛獲得「國家文藝詩歌獎」的發行人向陽，下令收回修改部分文字，卻從此未再發行，《陽光小集》也在這一期之後，無言地消失。
向陽私心用事閣表現佇伊及馬悅然、奚密所編輯的「世紀詩選」，錦連、李魁賢這兩位本土派上重要的詩人，兩人各寫七八百首詩，向陽故意排除無選，伊小弟林彧是寫過幾首詩？向陽偏偏ga選入去，當面問向陽，伊續應講：「毋是伊一人會當決定啥人入選」，推到離離離！這是嗆講伊是本土派的角色，所做的漏喟代誌！
「2009/08/01 公共電視增聘董、監事，審查委員會昨在新聞局舉行審查會議，決議增聘陳世敏、蔡憲唐、廖元豪、趙雅麗、林淇瀁、程宗明、黃玉珊、須文蔚八人，擔任公視基金會第四屆董事，洪貞玲擔任公視基金會監事。
新聞局預訂下週一將名單送行政院聘任，任期與第四屆董、監事相同，至明年十二月三日止。公視現有十三位董事，增聘八人後，董事會擴充為二十一人。
民進黨聲明：應組新的審查委員會 才能增聘，該黨立委管碧玲痛批，這是玩法濫權的無效聘任，公視法今年七月才修法，董事及審查會成員都有增加，要依新法增聘董事，就該組成新的審查委員會，不能以「增聘同一屆董事」為由，逃避國會監督」（以上根據自由時報報導），向陽甘願擔任國民黨橫柴入灶企圖染指公共電視的打手，可見伊一向的投機性格。
有關李敏勇：
李敏勇是夯鄭南榕血旗的人，但是，伊的作品常在佇出賣台灣的兩大中國統派報紙發表。當面ga講，伊麻沒自覺閣繼續佇彼夆背書。2000年七月八月「新觀念」雜誌社論發表「上海宣言」「台灣人＋中國人＝新中國人」，李敏勇麻無感覺繼續佇這本刊物發表作品。李敏勇是媒體紅人敢無所在通發表嘎？為著欲出名甘願犧牲台灣的主體立場，伊無任何損失！
2007年9月佇日本大阪凱悅飯店舉行「世界台灣同鄉會」，李敏勇上台演講，結束時伊引用波蘭詩人米洛舒講：「母語是我的祖國，若無妳我算啥？」伊用這句話根本咧欺騙台灣鄉親，請問你李敏勇一世人用母語寫過幾首台語詩？干單嘴講，手攏毋動，欺騙台灣、裝扮抵抗敢有資格講是詩人？李敏勇攏袂感覺見笑！台灣有這種領中華民國「國家文藝獎」的「做」詩人，莫怪台灣也閤繼續夆殖民，這種人講獨立攏是騙局！
有關曾貴海：
曾貴海一向以「綠色教父」自居，伊用台灣南社的集團政治手腕操作文學，綠色環保運動是一回事，文學成就是另外一回事，伊去領「高雄市文學貢獻獎」，敢是真正文學有成就？這檢驗伊的作品即會知影，伊為欲佇「笠」出頭，先批判林亨泰對北京語詩壇的軟弱妥協，來證明伊的存在。
伊膨風的大頭病，位伊駐診高雄市信義病院，將伊家己的詩作刻佇石頭，匟置病院前的小公園內，趕欲做神夆拜的企圖赫明顯。
2009年6月14日(週日）14:00～17:00，台灣現代詩人協會與高雄市文學館合辦現代詩座談會，主題『城市書寫的詩美學』，由《文學台灣》主編彭瑞金主持，邀請資深詩人曾貴海、鄭炯明、陳坤崙、李昌憲、盧友義及《台灣現代詩》主編蔡秀菊等詩人與談，會中干單討論曾貴海自選家己的詩作「木棉花」、「明日新城」、「瓶花」、「美麗島大道」、「紫檀春祭」，主題是『城市書寫的詩美學』，高雄市遐呢大，詩人這呢濟，敢無任何其他的人有寫有關高雄市之美的詩作，干單伊曾貴海上鰲，會當代表高雄市爾爾！？遮是啥款的幻想膨脹大頭病，身為醫生的曾貴海應該需要去「心理諮商」。
我欲質問曾貴海，伊咁敢對北京語宣戰，若毋敢伊敢有資格批判林亨泰，林亨泰對北京語詩壇軟弱，予中國派的詩選利用背書，曾貴海至今也堅持用北京語寫作，遮是五十步佮百步之差而已，龜笑鱉無尾嘛！
最近，伊閣吃傷飽，袂記擦嘴，吃過界來評斷台語詩，自來毋捌出版台語詩集，敢去做「鄭福田生態文學獎台語詩」的評審。閣卡行孽的代誌，曾貴海佇「重生的音符--解嚴後笠詩選」這本冊，所寫的導讀伊講：「因此，堅持用自己選擇的語言符號系統做為書寫語言是正確的方向，但是它不具有否定其他符號系統的生產作為台灣文學的功能與正當性，不然為什麼選舉行為中收賄者使用的大多數是台語符號系統」，這種反台灣語的龜腳真正位伊的腹內趖出來，講北京話、客語的人敢攏無人「收賄」？曾貴海的統計邏輯敢毋知台語佇台灣是百分之七十五的人咧講的語言！伊起痟來侮辱台語！伊愛跪落來嗑頭謝罪！台灣語的書寫即是欲抵抗北京語佇台灣獨霸的專制統治，曾貴海的意思就是伊軟弱無欲放棄北京話，合理化使用殖民者北京語的正當性，中國人閹割台灣語，台語愛繼續予北京語搶姦，安呢曾貴海精神欲安怎徹底反中國？這毋是標準的「語言文化失德哥爾摩症候群」！是啥？這種精神欲安怎有可能「重生」呢？
用北京語寫所謂台灣文學的作者佮評審，怹看無用台灣語所寫的作品，怹攏袂感覺家己無知、恐惶，明明咧淹水啊！嘛當做無看見，致使，台灣文學系打壓台灣語文學的畸形狀態。寫北京語的所謂本土文壇頭人，軟弱毋敢抵抗北京語的霸權意識，閣自認為這是現實的合理選擇。
今仔日是因為怹囂俳侵門踏戶，主導過界，僭越想欲佇怹所生疏毋捌的台灣語文學界亂吠，逼咱夯槌摃狗耶！
咱台灣語文學的友志愛繼續寫會淹大水的作品，淹到怹的鼻，予怹袂喘喟！
標籤：台灣語文學, 台灣語詩, 向陽, 曾貴海, 李敏勇
文章定位：
