※大‧口‧之‧『聞』※ 總希望聽著一首動人既音樂... 在這裡...將心底既說話盡情咁寫出來... 一位曾夢想成為作家...現在每天不停工作既大人... 生活十分忙碌...但這就証明自己已經是一位長大的人了... 踏入了人生中的 "三十而立"...成為了一個重要的課題.. 同時做緊些其他大人一樣做緊既事... 照顧身邊嘅人...由今日起開始負起“傳承”工作... 而且我也開始找尋屬於未來既生活...如何活得更好... 在這裡...已築起了自己的內心世界... 也是這裡...十多年的時間...是一個生命中不可缺少的部份... 現在是因為擁有過去~將來的一切就是基於現在~ 這裡便是過去~現在~將來既我... (於2002年4月9日開台...此序寫於2014年7月7日)

436愛的鼓勵 1訂閱站台

女追男並無問題，但主動得無技巧無趣味，就好大問題！好多女生就係因為太執着兼用錯方法，導致行為表現怪異，完全喪失女性應有的可愛面，搞到自己似個瘋婦，追唔成不特止，仲分分鐘嚇走potential男友。
‧太猴擒：一見對方online，就以0.0000001秒同佢Say Hi，他每覆一句，你就以0.0000001秒極速回話，佢唔應你，你就狂打字過去問東問西，每日如是，係人都會怕咗你。男人最怕就是壓迫感，一感到壓力，就會逃之夭夭，最緊要係唔好煩。
‧誇張行為：在一些一班人嘅聚會，有些女人以為咩都大笑一餐、懶hyper，或者用誇張嘅肢體動作去吸引異性注意，以為咁樣可以突出自己，令對方覺得你很特別。無錯，你好特別──特別失儀。咁只會令男人覺得你癲癲地，邊個想要一個玩起嚟嘈冤巴閉嘅女朋友？
‧扮嗲：無錯，有時女人撒下嬌會顯得很可愛，但都要睇對象同有自知之名。如果你已經幾十歲，就算係可愛教主咁嘅樣，喺公眾場合對任何事都狂dum地詐嬌，句句說話都加個「㖿!~」開頭，係會令人反感。
‧過分關心：有些女人集中火力以噓寒問暖攻勢出擊，例如日日買早餐俾佢，幫佢收拾辦公枱，以他媽媽/家傭/愛人嘅姿態出現，做得過火，只會有反效果。他眼中唔會見到你的好，只會見到其他人奇怪的目光，因而想極速擺脫你。
‧投懷送抱：有啲女人過分desperate，去唱K、飲嘢時借酒行兇，死迫他和你合唱，乘機投壞送抱，以為咁就叫做主動，其實只係將自己降格。有啲男人無推開你，可能只係覺得你自動送上門，何樂而不為。就算你對他好真心，喺佢眼中，你可能只係一個隨便嘅女人。