Day 1 2004年7月21日 星期三
今朝又一早起身攪enrol既野,不過又係攪唔到,好在我有好好人既Esme,佢知我去Sydney就主動幫我,等我唔使擔心,Thanks............之後11點幾達達同阿Kit就車我去Domestic Airport啦。佢地放低左我就走啦,我就check in同等左半個鐘就上機啦,上到機訓都未訓得著,又話到Sydney啦,都係個幾鐘咋,果陣都係3點幾咋............
出到機場就搵Bus搭返出City啦,轉左兩次車就到,之後就去搵Backpackers Hotel, 去到Pitt Street, 見到打對面有兩間,就是但入左一間,點知無哂位,不過仲好,因為我行過去對面果間發覺原來仲平,都係AUS$40 per night咋,而且仲係single room,不過share bathroom & toliet.........check in左之後就出去行下啦。行之前先搵野食,因為朝早食完早餐到依家都無食過野,食完就去左行Darling Harbour,都無乜特別,係度行左陣Shopping Mall,之後就沿住條Pyrmont Bridge行返去City啦。去到City,都係5點幾,四圍行下Myer同David Jones同QVB(Queen Victoria Building)咁,不過又好快行完,行完就打俾阿Kit同Rachel問下仲有乜野好行,Rachel就教我去下Sydney既casino,於是我就去左搭呢個Monorail返去Harbour Side果邊啦,不過用左我4蚊搭呢架唔使兩個字就到既Monorail............去到就行5分鐘就到啦,又係幾靚既,可能佢新啦,入去free咁join左member拎左張card,之後拎左10蚊出黎玩,不過當我輸左兩蚊之後就唔玩啦,我都覺得casino唔係咁岩我..........係果度『Hea』到7點幾就返去啦,行下行下返到去hotel附近,因為附近要行既我都行哂啦,經過cinema見到仲有Troy睇,而且仲就黎開場,而我又唔知做乜好,又唔知仲可以做乜好,套戲又可以消磨好耐,所以我就去睇啦,唔知點解睇戲果陣特別多人打俾我架,不過好多都係重要野.......講返套戲真係好好睇,不過差唔多ending果度好草率..........睇完成12點就返去hotel啦,因為聽朝要早起................
________________________________________________________________________
Day 2 2004年7月22日 星期四
今朝7點幾就起身,因為join左day tour,8點要係Chinatown集合,不過差d去左M記,因為果度d M記唔知點解特別近,不過都搵到,不過去到果陣『O』一『O』咀,因為原來我一直都mix up左22號去Canberra, 23號去Blue Mountain, 點知係相反既.......我今日仲only著左件黑色短袖tee同著左件Gore-tex褸咋,仲諗住會冷凍死.......先去第一站zoo, 又係果d動物,係Dream World睇過哂,之後去Blue Mountain, 呢個先係真正既景點啊。去到幾冷凍,不過都ok,先坐架52度向下既cable car去到崖既中間,睇下個Three Sisters Cliff, 真係好靚個view, 再坐另一種cable car上返去崖頂,另一個view睇仲靚,係果度影左好多相,不過係風景相only。之後食完飯就去左Echo Point, 係Three Sisters Cliff既同一邊睇哂成個Blue Mountain同Three Sisters Cliff,呢個時候真係要搵人望我影一影啊.......What a wonderful and beautiful picture..............
睇完之後,就出發去鐘乳石洞,不過覺得無乜特別同興趣,無比錢入去睇,係出面cafe飲野,不過司機係去既果段落山路好似托海上身咁,開得幾快,而我又坐最後,攪到我暈暈地,個幾鐘之後,其他人睇完就搭返個幾鍾頭車返Sydney啦,咁又一日,不過個行程話去Olimpic Park,點知無去,搵苯....................
返到City就打俾祖恩(表弟),因為今晚約左佢食飯聚一聚,去到Myer join左佢同佢d friends之後,行左陣就去食飯啦,今晚食飯佢請,我話俾返錢佢佢又唔收,話唔記幾時我請過佢食飯,所以今次佢請,話時話連我自己都唔記得幾時請過佢食飯啊,嘩哈哈哈哈.........食完之後,佢唔同佢d friends去唱K,就陪左我去Opera House 同Harbour Bridge啦,佢話夜晚都幾靚架,我地去到之後又真係幾靚,之後影左d相,本來諗住請佢落bar飲下野,點知附近都無乜,有都係爆貴果D,而且佢又趕尾班車返屋企,所以就散啦,而我都返去啦,因為聽日去Canberra,真係唔該哂祖恩帶我周圍行啊...........
P.S. 今日Only覺得最值既就係去Blue Mountain啦..........
文章定位：
