2004年3月4日 星期四
今朝起身無耐就同達達出左去剪髮,因為個頭太厚,好難Gel,不過剪完返屋企個feedback都唔錯,我都覺得幾好睇,最重要既係好Gel左好多..........之後kitkit幫我染左個頭,攪掂哂之後等埋Rachel返黎,我地成家就去左Garden City行街,行左陣我就走啦,因為我趕住返學,Week 1第一次返學,返既係PPP,原本同達達一齊返,點知佢又玩『隨心』,唔返.....諗住仲有雙雙,點知返到去又唔見佢,佢又冇返......呢堂真係好悶,係講政府同商業既關係,講政治真係悶,訓著左,之後7點幾Tick完Tutorial就走啦,之後叫埋Rachel,我地兩個就去左Sunnybank既小台北食飯,因為kitkit同達達去左Southbank食飯.........我地食完飯就去左入油,因為Thursday Night既油爆平,入完諗住返屋企,點知無remote,返唔到,就俾左架車Rachel練下,周圍兜下,我地兜左去Runcore同Sunnybank Hills,我地兩個好無聊咁去返大家之前既舊居行下,9點幾10點就襯有人出黎就成功返到屋企啦..............返到去打機,終於自己一個爆左三國無雙,之後kitkit同達達返黎,我地就睇十萬火急啦........
2004年3月5日 星期五
今朝9點幾就起身,因為10點有lecture,係上Econ,起身諗住沖涼果陣,kitkit拍門話佢爆眼訓,唔返喎......爆無奈,攪掂哂今朝諗住撘巴士返學,點知一出門口就落大雨,迫人地揸車,上到Nathan搵到位泊就飛奔去上堂,Tick完Tutorial就諗住乖乖地咁上下堂,呢個時候見到Esme,佢係同kitkit佢幾friend既女仔,我地兩個就一齊坐啦,好在有佢陪我上堂咋,今堂都係教返我form 5 econ學過果D Demand & Supply,爆易同有D悶......上堂11點幾就放學啦,車埋Esme返屋企就返屋企啦,返到去無人起身,灰....就打機啦..今晚勁唔想返工,就返鋪頭諗住搵人頂更,點知都唔知係唔係個個都咁熱心返學,個個搵襯佢都話夜晚返學,攪到我搵唔到人焗返工,今晚爆忙,做左456蚊生意,放工師傅仲要我車埋D同事返屋企..................食食下飯果陣Rachel打黎,我都估到Robertson又停電架啦,因為今日落左成日雨,通常一落大雨落成日,夜晚實停電......但係我係諗住去唱k避下,點知佢地話等我返屋企打牌喎.....勁.....Candle Night麻雀耍樂.......同埋要勁食同飲屋企D奶同Tiramisu,因為會壞,打左兩圈就唔打啦,之後見無野做就打電話俾Sam Ho,傾左成個幾鐘就叫Sam Ho駁3 lines打俾小白,傾左差唔多成個鐘就收線啦,之後就Candle Night沖涼,之後就訓啦..............
Joanna: 你未見過雙雙架.......有機會既就send俾你睇啦。我都好勤力返學架,只不過之前有野做返唔到咋,Week 2我就會勤力D架啦........No Worries。我都有睇你update既Dairy架,都係果句啦,好快就過架啦,俾心機啦,電完髮記得send相俾我睇啊,搵日online我send D新相俾你睇啦.......我會同你一齊努力架啦......Thanks for your strongly support & take care of yourself
文章定位：
